قازاقستان پرەزيدەنتى ەلوردانىڭ ەتنومادەني ورتالىقتارىنىڭ وكىلدەرىمەن جانە ماڭعىستاۋ وبلىسىنىڭ كورنەكتى قوعام قايراتكەرلەرىمەن اڭگىمەلەستى.
– ەلىمىزدىڭ بارلىق وڭىرىندە دوستىق ۇيلەرى بار. وندا وبلىستاردىڭ ەتنومادەني بىرلەستىكتەرى جۇمىس ىستەيدى. ەندى باس قالانىڭ دا دوستىق ءۇيى بولادى. سىزدەردى وسى ايتۋلى وقيعامەن قۇتتىقتايمىن! – دەدى نۇرسۇلتان نازارباەۆ.
ماڭعىستاۋ وبلىسىنىڭ اكىمى ە.توعجانوۆ مەملەكەت باسشىسىنا دوستىق ءۇيىنىڭ ەسكيزدىك جوباسىن تانىستىردى. وندا كىتاپحانا, مۋزەي, حالىقتىق قولدانبالى ونەر شەبەرحانالارى, كونفەرەنتس-زال جانە تىلدەردى وقىتۋ ورتالىعى ءۇشىن ارنايى ورىندار قاراستىرىلعان. عيماراتتىڭ جالپى اۋماعى – 4 مىڭ شارشى مەتر.
