«رۋحانيات» جانە كوممۋنيستىك حالىق پارتيالارى تىركەلدى

كەشە قازاقستان رەسپۋبليكاسىنىڭ ورتالىق سايلاۋ كوميسسيا­سىنىڭ وتىرىسىندا كوميسسيا «رۋحانيات» پارتياسىنىڭ جانە قازاقستاننىڭ كوممۋنيستىك حالىق پارتياسىنىڭ پارتيالىق تىزىمدەرىن تىركەدى. وتىرىستا سونداي-اق ورتالىق سايلاۋ كوميسسياسى قازاقستاننىڭ «اق جول» دەموكراتيالىق پارتيا­سى­نىڭ پارتيالىق تىزىمىنەن ەكى كان­ديداتتى ولاردىڭ كونستيتۋتسيا مەن سايلاۋ تۋرالى زاڭ قوياتىن تا­لاپ­­تارعا سايكەس كەلمەيتىنى انىق­تا­لۋىنا بايلانىستى جانە تاعى ءبىر كانديداتتى ونىڭ ءماسليحات ساي­لا­ۋ­ىنا كانديدات رەتىندە ساي­ىسقا ءتۇ­سۋ نيەتىنە وراي شىعارىپ تاستادى. كوميسسيا توراعاسى قۋ­ان­دىق تۇر­عانقۇلوۆتىڭ حاباردار ەتكەنىندەي, جالپى العاندا, ورتسايلاۋكوم 8 پارتيانىڭ 386 كانديداتتان تۇرا­تىن پارتيالىق تىزىمدەرىن تىركەدى. ءبىر دەپۋتاتتىق مانداتقا شامامەن 4 ادام باسە­كە­لەسەدى. تىركەلگەن كان­ديداتتاردىڭ اراسىندا 12 ۇلتتىڭ وكىلى بار. ءۇمىت­كەرلەردىڭ ورتاشا جاسى – 54 جاس. كانديداتتاردىڭ 21 پايىزىن ايەلدەر قۇرايدى. ۇمىتكەرلەردىڭ 99 پايىزى جو­عارى ءبىلىمدى. ولاردىڭ 35 پايى­زى­نىڭ زاڭگەرلىك نەمەسە ەكونو­مي­كالىق ءبىلىمى بار, 30 پايىزعا جۋ­ى­عى حالىق شارۋاشىلىعىنىڭ ءتۇر­لى سالالارىنىڭ ماماندارى بو­لىپ تابىلادى. تىركەلگەن كاندي­دات­تاردىڭ 13 پايىزى ءتورتىنشى شا­قىرىلعان پارلامەنتتىڭ دەپۋ­تاتتارى. تورتتەن ءبىرى كوممەر­تسيا­لىق قۇرىلىمداردىڭ قىزمەتكەر­لەرى, ال 12 پايىزعا جۋىعى مەملەكەتتىك ورگاندار مەن مەكەمەلەردە, تاعى 16 پايىزدايى عىلىم, مادە­نيەت جانە ءبىلىم سالاسىندا جۇ­مىس ىستەيدى. ورتالىق سايلاۋ كوميسسياسى توراعاسىنىڭ ايتۋىنشا, 14 جەل­توقساندا ورتسايلاۋكوم شەت مەملەكەتتەر مەن حالىقارالىق ۇيىم­داردىڭ تاعى 16 بايقاۋشىسىن تىركەدى. قازىرگى ساتكە دەيىن بارلىعى 47 حالىقارالىق بايقاۋشى اككرەديتتەلگەن, ولاردىڭ 46-سى ەقىۇ/دياقب ميسسياسىنىڭ جانە بىرەۋى تمد بايقاۋشىلار ميسسياسىنىڭ قۇرامىنا كىرەدى. 14 جەلتوقساندا ءماسليحاتتار دە­پۋتاتتىعىنا كانديداتتار ۇسى­نۋ اياقتالدى. قازىرگى ۋاقىتتا ءماس­لي­حاتتار دەپۋتاتتىعىنا 8335 كان­دي­دات ۇسىنىلعان. ولاردىڭ ءىش­ىندە وبلىستىق, استانا مەن الماتى قا­­لالىق ماسليحاتتارعا – 1392, اۋداندىق ءماسليحاتتارىنا – 5339, قالالىق ماسليحاتتارعا 1604 كانديدات بار. كەشەگى كۇنگە دەيىن ءماسليحاتتار دەپۋتاتتىعىنا 5066 كانديدات تىركەلگەن. ءاليسۇلتان قۇلانباي.