قايراتكەر جايلى جاڭا دەرەكتەر

الماتىدا ەل تاۋەلسىزدىگىنىڭ 20 جىلدىعىنا وراي «د.ا.قوناەۆ مۇراجاي ءۇيىنىڭ 10 جىلدىق شىڭى» مادەني ءىس-شاراسى ءوتتى. القالى جيىنعا قالالىق مادەنيەت باسقارماسىنىڭ وكىلدەرى, مەملەكەت جانە قوعام قايراتكەرلەرى, سوعىس جانە ەڭبەك ارداگەرلەرى قاتىستى. اتالمىش ءىس-شارانىڭ ءبىر ەرەكشەلىگى, مادريد رىسبەكوۆتىڭ ون سە­ريالىق «د.ا.قوناەۆ مەملەكەت قاي­راتكەرى» اتتى جاڭا ءفيلمىنىڭ كورسەتىلۋى ەدى. مۇندا بۇرىن-cوڭدى كوپشىلىك نازارىنا ۇسىنىلماعان جاڭا دەرەكتەر ايتىلعان. ءفيلمنىڭ ەكى سەرياسى كورەرمەن نازارىنا العاش رەت ۇسىنىلىپ وتىر. ال جينالعاندار قىزىقتاعان «د.ا.قوناەۆ مۇراجاي-ءۇيىنىڭ جەتىستىكتەرى» اتتى كورمەدە مۇراجاي-ءۇيىنىڭ قۇرىلۋى نەگىزىندە اتقارىل­عان ءىس-شارالار, د.قوناەۆپەن باي­لا­نىستىراتىن بۇرىن-سوڭدى قوي­­ىل­ماعان جاڭا فوتوسۋرەتتەر بار. كەڭەستە مۇراجاي-ءۇيىنىڭ ديرەكتو­رى ب.باتتالحانوۆ ون جىل ىشىندە اتقا­رىلعان ءىس-شارالار جايىندا ەسەپ بەرىپ, مۇراجاي قىزمەتكەر­­­لە­رى تارا­پىنان قورعالعان عىلىمي جۇ­مىس­تارعا, ءتۇرلى بايقاۋلاردا قول جەتكىزگەن جەتىستىكتەرگە, باسپادان جانە باق بەتتەرىندە جارىق كورگەن ەڭبەكتەرگە, فيلمدەرگە توقتالدى. سونىمەن قاتار ءىس-شارا با­رى­سىن­دا ديمەكەڭنىڭ اكەسىمەن سىي­لاس بول­­عان جەتىسۋ وڭىرىنە ايگىلى حالىق اقى­نى بالتاعۇل بيگەلديەۆ­تىڭ «زامانا وتەر دوڭگەلەنىپ» اتتى ەكى تومدىق كىتابىنىڭ تانىستى­رىلىمى ءوتتى. جيىن سوڭى ءانشى, دومبىراشى جاستاردىڭ كونتسەرتىنە ۇلاستى. گۇلزەينەپ سادىرقىزى.