ءوزارا تۇسىنىستىك تۋرالى مەموراندۋمعا بىرىككەن ۇلتتار ۇيىمىنىڭ بالالار قورىنىڭ (يۋنيسەف) قازاقستانداعى وكىلى يۋري وكساميتنىي جانە قر تۇڭعىش پرەزيدەنتى - ەلباسى قورىنىڭ اتقارۋشى ديرەكتورىنىڭ ورىنباسارى سۇلتان ايتجانوۆ قول قويدى. مەموراندۋمعا سايكەس يۋنيسەف جانە قر تۇڭعىش پرەزيدەنتى قورى قازاقستان رەسپۋبليكاسىندا بالالاردىڭ قۇقىقتارىن كوتەرمەلەۋ ماقساتىندا قوعام ىشىندە قاجەت اقپارات بەرۋ سالاسىندا تىعىز جۇمىس ىستەمەك.
بىرىككەن ۇلتتار ۇيىمىنىڭ بالالار قورىنىڭ (يۋنيسەف) قازاقستانداعى وكىلى يۋري وكساميتنىي: «بالالىق شاق - ادامنىڭ دامۋىنداعى ەڭ ماڭىزدى كەزەڭ; سالاۋاتتى, تابىستى جانە باقىتتى ءومىردىڭ ىرگەتاسى قالاناتىن كەزەڭ. قازاقستاندا يۋنيسەف ءار بالانىڭ دەنساۋلىعىنا, تاماقتانۋىنا, قورعانىسىنا جانە ءبىلىم الۋىنا دەگەن قۇقىقتارىن جۇزەگە اسىرۋ ءۇشىن قىزمەت اتقارادى. يۋنيسەف قر تۇڭعىش پرەزيدەنتى قورىمەن تىعىز قارىم-قاتىناسىمىزدىڭ ارقاسىندا بالالاردى كىشكەنتاي كەزىنەن دامىتۋ, ۇلگىلى اتا-انا بولۋ, جاستار تاربيەسى, ينكليۋزيۆتى ءبىلىم بەرۋ ماسەلەلەرىنە قوعامنىڭ نازارىن اۋدارا الامىز دەگەن سەنىمدەمىن».
بۇدان بۇرىن قر تۇڭعىش پرەزيدەنتى قورى يۋنيسەف جانە باسقا دا ۇيىمدارمەن بىرلەسىپ دۇنيەجۇزىلىك بالالار كۇنىنە ارنالعان الەۋمەتتىك بەينەروليك جاريالادى. بولاشاقتا قور يۋنيسەف-پەن بىرلەسكەن جوبالاردى, الەۋمەتتىك روليكتەردى شىعارماق جانە الەۋمەتتىك ناۋقانداردى قولداماق.
قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورىنىڭ ورىنباسارى سۇلتان ايتجانوۆتىڭ ايتۋىنشا, كوپ جىلدار بويى قور بالالار مەن جاسوسپىرىمدەردىڭ ينتەللەكتۋالدى جانە شىعارماشىلىق الەۋەتىن اشۋعا كومەكتەسەتىن ءار ءتۇرلى جوبالاردى جۇزەگە اسىرىپ كەلەدى. جاس دارىنداردى قولداۋ - جالپىۇلتتىق ماڭىزى بار ءىس-شارا. الەۋمەتتىك جوبالار, سونىڭ ىشىندە بالالار ۇيلەرى مەن ينتەرناتتارمەن بەلسەندى جۇمىس, جىل سايىن اتقارىلىپ كەلەدى. سونىمەن قاتار قور ينكليۋزيۆتى ءبىلىم بەرۋ سالاسىندا جۇمىس ىستەۋدە. رەسپۋبليكالىق بالالار پاراليمپيادالىق ستارتتارى, «مەيىرىم» ينكليۋزيۆتى بالالار شىعارماشىلىعى بايقاۋى, «امان كەلەشەك» فەستيۆالى ەرەكشە قاجەتتىلىكتەرى بار بالالاردى قوعامدا الەۋمەتتىك بەيىمدەۋگە باعىتتالعان».
