«اقپاراتتىق قازاقستان-2020» مەملەكەتتىك باعدارلاماسى 5 جىل جۇرگىزىلدى. قازىرگى ۋاقىتتا ءوز كۇشىن جويدى. كەيبىر ماقساتتى ينديكاتورلاردىڭ ورىندالماۋىنا قاراماستان مەملەكەتتىك باعدارلاما ءساتتى جۇزەگە اسىرىلدى. ويتكەنى, ەلىمىزدەگى اقپارتتىق-كوممۋنيكاتسيالىق تەحنولوگيالار, مەملەكەتتىك قىزمەت كورسەتۋ مەن بۇقارالىق اقپاراتتىق قۇرالدارى سالاسىنا قاتىستى كورەتكىشتەردىڭ جاقسارعانى بايقاپ وتىرمىز», - دەدى ول.
سونىمەن قاتار, اتالعان مەملەكەتتىك باعدارلامانى جۇزەگە اسىرۋ ارقىلى ەلىمىزدىڭ ەكونوميكا سالالارىن تسيفرلاندىرۋدىڭ كەلەسى كەزەڭىن دامىتۋعا باعىتتالعان بازالىق مۇمكىندىكتەر قۇرىلدى.
«مينيسترلىك ستراتەگيالىق جوسپارىنا قاتىستى 14 ماقساتتى ينديكاتور قاراستىرىلعان. ولاردىڭ تەڭ جارتىسى, ياعني جەتەۋى تولىق جۇزەگە اسىرىلدى. حالىقتى تسيفرلىق حابار تاراتۋمەن قامتاماسىز ەتۋ جوسپارىنا ساي 87 پايىزدى قۇراۋى قاجەت بولاتىن. قازىرگى كورسەتكىش 81 پايىز بولدى. بۇل «قازتەلەراديو» اق-نىڭ راديو-تەحنيكالىق ستانسا قۇرىلىسىنىڭ كەستەسىنەن كەشىگىپ جاتقانىنا بايلانىستى. الايدا جۇمىس ءبىر ساتكە دە توقتاعان جوق. كورسەتكىش تۇراقتى تۇردە ءوسىپ كەلە جاتىر», - دەدى مينيستر.
