جاۋھار جارىقتار المالى قالانىڭ ايشىقتى تىنىسىن تانىتا تۇسەدى. قالا ورتاسىنداعى پانفيلوۆ كوشەسى جاياۋ جۇرگىنشىلەردىڭ ەركىن قوزعالاتىن ءارى دەمالاتىن ورتالىققا اينالعان. كوشە بويىندا ارنايى ورىندىقتار. سۋسىن ساتاتىن ورىندار, بالالار وينايتىن الاڭدار جاساقتالعان كوشەنىڭ ۇزىنا بويىنا قول ونەر بۇيىمدارى ساتىلاتىن بازارلار ۇيىمداستىرىلعانى دا ايتۋعا تۇرارلىق.
كورمەدە وڭتۇستىك استانا قوناقتارى مەن قالا تۇرعىندارى الدىندا مىڭ بوياۋلى شاھاردىڭ مەرەكەسىن تانىتاتىن شارادا الماتى قالاسىنىڭ اكىمى باۋىرجان بايبەك پەن QLED Samsung Elektronics Central Eurasia كومپانياسىنىڭ پرەزيدەنتى بەن يۋن ءسوز سويلەدى, مەگاپوليستىڭ ومىرىندەگى يننوۆاتسيالىق شەشىمدەردىڭ تۇسىنىستىكپەن جۇزەگە اسىپ جاتقانى كوڭىل قۋانتادى.
الماتى قالاسىنىڭ اكىمى باۋىرجان بايبەك ەلىمىزدىڭ ەگەمەندىگىنىڭ الدىندا دارىندى شەشىمدەر قابىلدانعان قازاقستاننىڭ بۇرىنعى استاناسىنىڭ ەرەكشە ءرولىن اتاپ ءوتتى. بۇگىن الماتى مادەنيەت, بيزنەس جانە كاپيتال ورتالىعى بولدى, دەپ اتاپ ءوتتى قالا اكىمى. اكىم ءىس-شارانى ۇيىمداستىرعان Samsung Electronics كومپانياسىنا العىسىن ءبىلدىردى.
وڭتۇستىك استانادا 1996 جىلدان بەرى جۇمىس ىستەپ كەلە جاتقان Samsung Electronics Central Eurasia كومپانياسىنىڭ پرەزيدەنتى ۋن چول يۋن ءوز كەزەگىندە كومپانيا قازاقستاندىقتارعا ارنالعان يننوۆاتسيالىق شەشىمدەردى ەنگىزۋگە قۋانىشتى ەكەنىن ايتتى. ءبىر جىل بۇرىن ولار استاناداعى EXPO-2017 كورمەسىندە QLED سىزىعىن ەنگىزسە, ەندى الماتىدا مەرەكە كۇنىن ۇيىمداستىردى.
وزگەشە بوياۋمەن وزگەرىپ ءسان-سالتانات تاپقان پانفيلوۆ كوشەسى بويىنداعى Samsung QLED تەلديدارلارى ارقىلى جوعارعى ساپالى ادەمى سۋرەتتەر كوز جاۋىن العان اشەكەيلى ورنەكتەر مىڭ ءتۇرلى بوياۋعا مالىنعان قالانىڭ اسەم ديدارىن تانىتادى. جاياۋ جۇرگىنشىلەر جولىنىڭ كوڭىل دەمدەيتىن اسپەتتىلىگى دەمالۋشىلارعا ايرىقشا تىنىس بەرگەندەي ەكەن. «الماتىداعى وتكەن ءبىر كۇن. ومىرگە ارنالعان قالا» كىتابىنىڭ تۇساۋكەسەرى وقىرماندار اراسىندا ەرەكشە قىزىعۋشىلىق تۋعىزدى. جاڭا باسىلىمدا ءسىز وڭتۇستىك استانانىڭ بىرەگەي فوتوسۋرەتتەرىن ءوز كوزدەرىڭىزبەن الماتى قالاسىنىڭ تانىس بەينەسىن, تانىس كوشەلەردى جانە ازاماتتاردىڭ كۇندەلىكتى ءومىرىن كورە الاسىز.
الماتى قالاسىنا ارنالعان فوتوگرافيا مەن سۋرەت كورمەسى جانە ءبىر اكتىلى «شاحەرەزەدا» بالەتى كەلۋشىلەرگە قۋانىش سىيلادى.
ساپارباي پارمانقۇل,
«ەگەمەن قازاقستان»
الماتى
