نەمىس ديپلوماتىمەن كەزدەستى

كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى قانات ساۋداباەۆ گەرمانيا فەدەراتيۆتىك رەسپۋب­لي­كاسىنىڭ قازاقستانداعى توتەنشە جانە وكىلەتتى ەلشىسى گيدو حەرتستى قابىلدادى. كەزدەسۋ بارىسىندا ەكى ەل اراسىنداعى ىنتىماقتاستىق قارىم-قاتىناستاردى ودان ءارى دامىتۋ جايى ءسوز بولدى. تاراپتار سوڭعى ءۇش جىلداعى قول جەتكىزىلگەن تابىستارعا قانا­عات­تانۋشىلىق ءبىلدىردى. قازاق­ستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ 2009 جىلعى اقپاندا گەرمانياعا جانە گەرمانيا فەدەراتيۆتىك رەسپۋبليكاسىنىڭ كانتسلەرى انگەلا مەركەلدىڭ 2010 جىلعى شىلدەدە قازاقستانعا جاساعان رەس­مي ساپارلارى ەكى ەل اراسىن­داعى ىنتىماقتاستىققا جاڭا سەرپىن بەردى. وسى ورايدا قازاقستاننىڭ گەر­مانياداعى جانە گەرمانيانىڭ قازاقستانداعى جىلدارىنىڭ تابىستى وتكىزىلۋى ەلدەر اراسىن جاقىنداتا تۇسكەنىن ايتا كەتۋ كەرەك. سونىمەن قاتار, ەكونوميكا, عىلىم جانە ءبىلىم بەرۋ سا­لا­لا­رىن­داعى ىنتىماقتاستىقتىڭ جەمىستى بولعاندىعىن دا نازارعا سالعان ءجون. ق.ساۋداباەۆ 2010 جىلى ەقىۇ-نىڭ ءسامميتىن ۇي­ىم­د­استىرۋعا گەرمانيانىڭ قوس­قان ۇلەسىن جوعارى باعالاپ, وسى ەل ۇكىمەتىنىڭ جاردەمىنە ريزا­شى­لىعىن جەتكىزدى. كەزدەسۋ كەزىندە كەلەر جىل­دىڭ باسىندا قازاقستان پرەزيدەنتى ن.نازارباەۆتىڭ گەرما­نيا­عا جاسايتىن مەملەكەتتىك ساپا­رىن دايىنداۋ جايى دا ءسوز بولدى. تاراپتار الداعى جو­عارى دەڭگەيدەگى كەزدەسۋ قا­زاقستان-گەرمانيا ىنتىماق­تاس­تىعىن ءارى قاراي دامىتۋعا تىڭ سەرپىن قوساتىنىنا سەنىم ءبىلدىردى. اسقار تۇراپباي ۇلى.