الدىمەن قوناقتارعا قازاقستان رەسپۋبليكاسىنىڭ ەكولوگيا سالاسىنا 30 جىلدىعىنا وراي ارنايى دايىندالعان سيۋجەتى كورسەتىلگەن سوڭ, ەكولوگيا سالاسىنىڭ دامۋىنا قوسقان ۇلەسى ءۇشىن ءبىر توپ ازاماتتارعا, ەنەرگەتيكا مينيسترلىگىنىڭ ارنايى تاپسىرىسىمەن مەرەكەلىك كۇنگە جاساقتالعان «قازاقستان رەسپۋبليكاسىنىڭ ەكولوگيا سالاسىنا 30 جىل» اتتى مەرەكەلىك توسبەلگىسى تاپسىرىلدى.
ولاردىڭ قاتارىندا پروفەسسور گۋسمان كەنجەتاەۆ, ەكولوگيا سالاسىنىڭ مايتالمان ارداگەرى ورىنباسار توعجانوۆ, اۋىل شارۋاشىلىعى عىلىمىنىڭ كانديداتى قۇباش مۇساەۆ, ش.ەسەنوۆ اتىنداعى ۋنيۆەرسيتەتىندە «وندىرىستىك ەكولوگيا» ماماندىعىن اشۋعا نەگىز بولعان ەدىل جاڭبىرشين, مامانداندىرىلعان تابيعات قورعاۋ پروكۋرورىنىڭ ورىنباسارى سماعۇل حاسنيازوۆ, تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى ەسەنقوس ادىلباەۆ, «قولداۋ ەكولوگيا» ۇكىمەتتىك ەمەس ۇيىمىنىڭ باسشىسى ادىلبەك قوزىباقوۆ, «ەكو ماڭعىستاۋ» ۇكىمەتتىك ەمەس ۇيىمىنىڭ جەكەتشىسى كيريلل وسين, ەكولوگيا دەپارتامەنتىنىڭ قىزمەتكەرلەرى قۇرالاي تاشەنوۆا, دارحان تەنەلباەۆ, كلارا جاكۋپوۆا, تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءبولىم باسشىسى گۇلسىم مۋتانوۆا جانە «كاسپي بيتۋم», «كازگيدرومەت», «مەملەكەتتىك ساراپتاما» كاسىپورىندارى مەن سالا ارداگەرلەرى بار.
سونىمەن قاتار باۋىرجان نيازوۆ, ليديا بىستريتسكايا, دينارا ەڭسەگەنگە قر ەنەرگەتيكا مينيسترلىگىنىڭ قۇرمەت گراموتاسى تابىستالسا, قازىنالى ولكەمىزدىڭ وركەندەپ - دامۋىنا جانە قر گۇلدەنۋىنە قوسقان قاجىرلى ەڭبەكتەرى ءۇشىن ماڭعىستاۋ وبلىسى اكىمىنىڭ العىس حاتىمەن قاجىمۇرات حايرۋشەۆ, گ ۇلىم ۇلىقبانوۆا, رايحان دەمەسىنوۆا, بەسىمباي بايەگلوۆ, قاڭعاباي وسكىنباەۆ, قۋاندىق ىزتۇرعانوۆ ماراپاتتالدى.
«تازا بولسا تابيعات – ادام بولار ادامزات» تاقىرىبىندا وبلىستىق وتباسىلىق ۇلگىدەگى بالالار اۋىلىنىڭ تاربيەلەنۋشىلەرى اراسىندا وتكەن سۋرەت بايقاۋىنىڭ جەڭىمپازدارى ەلەنا جيگمانوۆسكايا, دانيال مۋلانوۆ جانە ۆيولەتا كوروتكوۆا ماراپاتتان تىس قالمادى.
ماراپاتقا يە بولعانداردىڭ قاتارىندا 7 جاسار ەربولات كوپتىلەۋ دە بار. ول وبلىس اكىمدىگىمەن جىل سايىن ۇيىمداستىرىلاتىن سەنبىلىككە ءوز ەركىمەن قاتىسىپ, كوپكە ۇلگى بولارلىق جاس تابيعات جاناشىرى. كىشكەنە جاسىنا قاراماستان تۋعان ولكەسىن كۇل-قوقىستان تازارتۋعا ءوزىنىڭ سۇبەلى ۇلەسىن قوسىپ كەلەدى.
ماڭعىستاۋ وبلىسى ەكولوگيا دەپارتامەنتى باسشىسىنىڭ مىندەتىن اتقارۋشى رۋسلان تۋكەنوۆ تازالىق ساقشىلارىن كاسىبي مەرەكەلەرىمەن قۇتتىقتاپ, تابيعات سۇلۋلىعىن ساقتاۋ, ودان ءلاززات الا ءبىلۋ - ءاربىر ازاماتتىڭ ەكولوگيالىق مادەنيەتىنىڭ باستى كورسەتكىشى ەكەندىگىن اتاپ ءوتتى. جەر انانى قورعاۋ - ادامگەرشىلىك بورىش, پاراساتتى پارىز دەگەن ول, تابيعات - ادامنىڭ بويىنا قۋات, كوڭىلىنە شابىت, سەزىمىنە ءلاززات شاپاعىن شاشاتىن سۇلۋلىق پەن اسەمدىك الەمى, باعا جەتپەس بايلىعى, دەدى ول.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
