پراكتيكتەر اليانسى «تەڭ تەڭىمەن» قاعيداتىنا ساي ەكونوميكالىق ىنتىماقتاستىق جانە دامۋ ۇيىمى (ەىدۇ) ادىسىمەن قۇرىلىپ, ايماقتىڭ جەتى ەلى اراسىندا ىنتىماقتاستىقتى ارتتىرۋ جانە مەملەكەتتىك قىزمەت كورسەتۋدى تسيفرلاندىرۋ بويىنشا تاجىريبە الماسۋعا نەگىزدەلگەن.
ەىدۇ مەملەكەتتىك باسقارۋ بويىنشا ديرەكتورات تالداۋشىسى جواو ريكاردو ۆاسكونسەلوس ءوز سوزىندە: «تەڭ تەڭىمەن» قاعيداتى بويىنشا وقىتۋ الەۋمەتتىك-ەكونوميكالىق جاعدايلارى ۇقساس ەلدەر اراسىندا تۇراقتى تۇردە تاجىريبە الماسۋدى بىلدىرەدى. اليانس مەملەكەتتى تسيفرلاندىرۋ ماقساتىندا ورتاق شەشىمدەر مەن يدەيالار ىزدەۋگە جول اشادى. ەىدۇ وسى ماقساتتارعا جەتۋگە اركەز قولداۋ كورسەتۋگە ءازىر», - دەدى.
ەستونيانىڭ ەلەكتروندى ۇكىمەت اكادەمياسىنىڭ كەڭەسى مۇشەسى كريستين لەيتنەر «اليانس اۋقىمىندا قاتىسۋشى ەلدەر وكىلدەرىنە قازىر مەملەكەتتىك قىزمەتتىڭ 99 پايىزى ونلاين رەجيمىندە كورسەتىلەتىن ەستونيانىڭ ۋاكىلەتتى ورگاندارىنا تانىستىرۋ ساپارى ۇيىمداستىرىلاتىنىن» ايتتى.
«زەردە» حولدينگى باسقارما توراعاسى ورىنباسارى جانات جاحمەتوۆا قازاقستاننىڭ تسيفرلى مەملەكەتتى دامىتۋدا ەلەۋلى ناتيجەگە جەتكەندىگىن ايتا وتىرىپ, پراكتيكتەر اليانسى ەلەكتروندى ۇكىمەتتى دامىتۋعا تىڭ سەرپىن بەرەتىنىنە ءۇمىت ارتاتىندىعىن جەتكىزدى.
بۇل اليانستى قۇرۋ يدەياسى 2017 جىلى مەملەكەتتىك باسقارۋ سالاسى ساراپشىلارىنا ارنالعان مەملەكەتتىك قىزمەتتەردى تسيفرلاندىرۋ بويىنشا حالىقارالىق سەمينار كەزىندە كوتەرىلگەن. بۇل - استانا حابى قۇرعان ەكىنشى اليانس. 2016 جىلى ءازىربايجان, گرۋزيا جانە قازاقستان مەملەكەتتىك قىزمەت كورسەتۋ بويىنشا اليانس قۇرىلىپ, ونىڭ ناتيجەسىندە ءۇش ەلدەگى ء«بىر تەرەزە» قاعيداتى بويىنشا ءۇش زەرتتەۋ جۇمىسى جاسالعان بولاتىن.
ەىدۇ - استانا حابىنىڭ ستراتەگيالىق سەرىكتەسى ءارى قۇرىلتايشىلارىنىڭ ءبىرى. كونفەرەنتسيا بارىسىندا: ء«بىز حابتىڭ مەملەكەتتىك قىزمەتتى جەتىلدىرۋ سالاسىندا تاجىريبە مەن ءبىلىم الماسۋ ءۇشىن كوپ جاقتى, مويىندالعان تۇعىرناماعا اينالعاندىعىن ماقتان ەتەمىز», - دەگەن بولاتىن ەىدۇ مەملەكەتتىك باسقارۋ جونىندەگى ديرەكتوراتىنىڭ باسشىسى ماركوس بونتۋري.
حابقا قازىر 40 ەل قاتىسادى, ونىڭ اراسىندا ەىدۇ, تمد, ورتالىق ازيا جانە ASEAN ەلدەرى بار.
