2018 جىلدىڭ باسىنان بەرى قازاقستاندا مەنينگوكوكك ينفەكتسياسىن جۇقتىرۋدىڭ 60 جاعدايى تىركەلدى. ولارىڭ اراسىندا 14 جاسقا دەيىنگى بالالار بويىنشا 21 جاعداي تىركەلگەن. 13 بالا كوز جۇمدى, الماتىدا - 6, الماتى وبلىسىندا 4, وڭتۇستىك قازاقستان وبلىسىندا- 2, قىزىلوردا وبلىسىندا1 جاعداي تىركەلدى.
دەنساۋلىق ساقتاۋ مينيسترلىگىنىڭ وكىلدەرى جاعدايدىڭ باقىلاۋدا ەكەنىن ايتتى.
«مەنينگوكوكك ينفەكتسياسى - وتكىر ينفەكتسيالى اۋرۋ ەكەنىن نازاردا ۇستاۋ قاجەت. ول باكتەريالار ارقىلى تارايدى جانە ونىڭ ءتۇرلى كلينيكالىق كورىنىستەرى بولادى. ينفەكتسيانى نەگىزىنەن ناۋقاس ادامدار مەن وزگە دە ءتىرى تىرشىلىك يەلەرى تاراتادى. ولاردىڭ بارلىعىندا كلينيكالىق بەلگىلەر بولماۋى مۇمكىن. سوعان قاراماستان ولار مەنينگوكوكك ينفەكتسياسىن تاراتۋشىلار بولىپ ەسەپتەلەدى. بۇل ىندەت ءتۇرى ادەتتە قىس جانە كۇز مەزگىلىندە كوپ تارايدى», دەپ ءتۇسىندىردى ۆەدومستۆو وكىلدەرى.
ينفەكتسيا جوتەل, تۇشكىرۋ, اڭگىمەلەسۋ بارىسىندا تارايدى. ينفەكتسيا قوزدىرۋشىلار ادەتتە سىرتقى ورتادا تۇراقسىز كەلەدى. ميكروب اۋرۋ اداممەن ۇزاق ۋاقىت ءارى جاقىن بايلانىستى بولعان كەزدە جوعارعى تىنىس الۋ جولدارىنداعى شىرىش قاباتى ارقىلى كەلەدى. ينفەكتسيا جۇقتىرىپ, اۋرۋعا شالدىققانعا دەيىنگى مەرزىم 1-دەن 10 كۇنگە دەيىنگى ارالىقتى قۇرايدى. ناۋقاس ادام اۋرۋ جۇقتىرعان العاشقى كۇننەن باستاپ-اق قاۋىپ تۋدىرادى.
بۇل اۋرۋمەن ادەتتە 5 جاسقا دەيىنگى بالالار ءجيى اۋىرادى. ويتكەنى ولاردىڭ يممۋندى جۇيەسى تولىق قالىپتاسپاعان. ال جاسوسپىرىمدەر مەن جاستار ادەتتە كوپ ۋاقىتتارىن تۇنگى كلۋبتار سياقتى حالىق كوپ شوعىرلانعان جەرلەردە وتكىزەدى. ال مۇنداي ورىندار مەن ونداعى شىلىم شەگۋ, ءبىر ىدىستان سۋسىن ءىشۋ سياقتى جايتتەر اۋرۋدى جۇقتىرۋ قاۋپىن ارتتىرا تۇسەدى.
مەنينگيت اۋرۋى بىردەن باستالادى. الدىمەن ادامنىڭ باسى قاتتى اۋىرىپ, جۇرەگى اينىپ, 6-15 ساعاتتان سوڭ دەنەسى بورتە باستايدى. دەنە قىزۋى 39-40°س گرادۋسقا جەتىپ, قالتىرايدى. تەرىسى بوزارىپ, السىرەيدى, ارقاسى مەن قول-اياعىنىڭ ۇشتارى اۋىرا باستايدى. اۋرۋ ادام شولدەپ, اسقا دەگەن تابەتى بولمايدى. سونداي-اق بۇل اۋرۋ تۇماۋ, انگينا سياقتى اۋرۋلارعا ۇقساپ, بىلىنبەي جەڭىل ءوتۋى دە مۇمكىن. ادەتتە ادام سۋىق ءتيىپ, اۋىرىپ, قاتتى شارشاعان كەزدە ادامنىڭ ورگانيزمى السىرەيدى. مىنە, وسى كەزدە ينفەكتسيانىڭ تاراۋىنا قولايلى جاعداي تۋىندايدى جانە وسى كەزدە مەنيگوكوكك ادامنىڭ ميىنا ەنىپ, ونى قابىندىرا تۇسەدى.
سونداي-اق دەنساۋلىق ساقتاۋ مينيسترلىگى اۋرۋدىڭ الدىن الۋ تۋرالى كەڭەستەرىمەن ءبولىستى.
ء«تۇرلى مادەني ءىس-شارالارعا قاتىسۋدى شەكتەپ, باسسەيىندەر مەن ويىن الاڭدارىنا ساۋدا ورتالىقتارىنا بارۋدى توقتاتۋ كەرەك. تازالىق ساقتاپ, بولمەنى ءجيى جەلدەتىپ, ىلعالدى تازالىق شارالارىن ۇدايى جۇرگىزىپ وتىرعان ءجون. سونداي-اق پروفيلاكتيكالىق ماقساتتا دارىگەرگە ءجيى قارالىپ وتىرعان دۇرىس. تەك قايناتىلعان سۋ ىشكەن ءجون»,-دەيدى ۆەدومستۆو وكىلدەرى.
