وعان ۇكىمەتتىك ەمەس ۇيىمدار مەن باق وكىلدەرى قاتىستى.
جيىندى وبلىس اكىمى سەرىك ءبىلالوۆ اشىپ, ەلىمىزدىڭ جوعارى جەتىستىكتەرىنە, ءتاۋەلسىزدىكتىڭ نىعايۋىنا, دامۋىمىزدىڭ باسىم باعىتتارىن تۇسىندىرۋدە بۇقارالىق اقپارات قۇرالدارىنىڭ زور ۇلەس قوسىپ وتىرعانىن اتاپ ءوتتى. ۇكىمەتتىك ەمەس سەكتور بيلىك پەن قوعام اراسىندا تۇسىنىكتى ۇنقاتىسۋ ورناتۋدا, الەۋمەتتىك جانە ەكونوميكالىق رەفورمالاردى ءجۇزەگە اسىرۋدا مەملەكەتتىڭ سەنىمدى سەرىگى بولىپ تابىلادى, دەدى ايماق باسشىسى.
سوسىن ول ەل پرەزيدەنتىنىڭ جارلىعىمەن ءبىر توپ سولتۇستىكقازاقستاندىقتارعا “قازاقستان رەسپۋبليكاسىنىڭ ءتاۋەلسىزدىگىنە – 20 جىل” مەرەكەلىك مەدالىن تابىس ەتتى. ولاردىڭ اراسىندا رەسپۋبليكالىق «ەگەمەن قازاقستان» گازەتىنىڭ وڭىردەگى مەنشىكتى ءتىلشىسى ءومىر ەسقالي, “قىزىلجار-اقپارات” كمك ديرەكتورى – باس رەداكتور كارىباي مۇسىرمان, وبلىستىق «سەۆەرنىي كازاحستان» گازەتىنىڭ رەداكتورى نيكولاي دروزدەتسكي, “قازاقستان” رترك وبلىستىق فيليالىنىڭ ديرەكتورى ەرلان توقشىلىق, “قىزىلجار نۇرى” گازەتىنىڭ شەف-رەداكتورى زاراپ قۇسايىنوۆ جانە باسقالار بار.
سونداي-اق ءوڭىرىمىزدىڭ قوعامدىق-ساياسي ومىرىنە بەلسەنە قاتىسقانى ءۇشىن ءبىرقاتار باق قىزمەتكەرلەرى مەن ۇكىمەتتىك ەمەس ۇيىمداردىڭ وكىلدەرىنە وبلىس اكىمىنىڭ قۇرمەت گراموتالارى مەن العىس حاتتارى, قازاقستان پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسىنىڭ قۇرمەت گراموتالارى بەرىلدى.
تاۋەلسىزدىكتىڭ 20 جىلدىعى قارساڭىندا بۇقارالىق اقپارات قۇرالدارى اراسىندا ءتورت اتالىم بويىنشا وبلىس اكىمىنىڭ سىيلىعىنا جاريالانعان كونكۋرستىڭ قورىتىندىلارى شىعارىلىپ, ونىڭ جەڭىمپازدارى ماراپاتتالدى. «مەرزىمدى باسپاسوزدەگى ۇزدىك ماقالالار» اتالىمى بويىنشا ءو.ەسقالي جەڭىمپاز اتانىپ, اقشالاي سىيلىققا يە بولدى.
نۇرسايىن ءابۋ-ءشارىپ, جۋرناليست.
سولتۇستىك قازاقستان وبلىسى.
