ەلوردالىقتار تەرىسكەي حالقىنا استانالىق تەاترلاردىڭ قويىلىمدارىن, ەسترادا جۇلدىزدارىنىڭ قاتىسۋىمەن وتەتىن كونتسەرت جانە ەلىمىزگە تانىمال سۋرەتشىلەردىڭ كارتينالارى قويىلعان كورمەنى ۇسىنىپ وتىر.
«التىباقان», «قۇزعىننىڭ تاۋى», «حان-بالىق», «كوشپەندى», «توي كەرۋەنى», «قازىنا» سەكىلدى ەلىمىزگە بەلگىلى قازاقستاندىق سۋرەتشىلەردىڭ جۇمىستارىن پوگودين اتىنداعى ورىس دارما تەاترىنىڭ فويەسىندە ورنالاسقان كورمەدەن كەزدەستىرۋگە بولادى. تاۋەلسىزدىك سارايىنىڭ كورمە ۇيىمداستىرۋ ءبولىمىنىڭ جەتەكشىسى اينۇر ابىلقايىروۆانىڭ ايتۋىنشا «اق تىلەكپەن استانا! كورمەسىنە ەلوردادان ءجۇز شاقتى كارتينا اكەلىنگەن. قاي-قايسىسى بولسىن ارقا توسىندە قونىس تەپكەن استانا جايلى عاجايىپ سىرلار شەرتەدى.
العاشقى كۇنى كىشكەنتاي كورەرمەندەرگە قۋىرشاق تەاتىرىنىڭ قويىلىمدارى ۇسىنىلدى. بۇدان بولەك سولتۇستىكقازاقستاندىقتار ەلوردالىق تەاترلاردىڭ قويىلىمدارى مەن ەسترادا جۇلدىزدارىنىڭ كونتسەرتىن تاماشالاي الادى. «بۇگىن «قورقىت» مۋزىكالىق , «شالقىما» حالىقتىق بي توپتارىنىڭ, مەملەكەتتىك فيلارمونيا ءبيشى-انشىلەرىنىڭ قاتىسۋىمەن گالا-كونتسەرت, ورتالىق الاڭدا «Open Air» اتتى جاستارعا ارنالعان مەرەكەلىك باعدارلاما ۇيىمداستىرىلادى», دەيدى استانا قالاسى مادەنيەت جانە سپورت باسقارماسى باسشىسىنىڭ ورىنباسارى ناريما مۇحامبەتالينا.
ءومىر ەسقالي,
«ەگەمەن قازاقستان»
