وتاندىق ارنالارعا ورتاق شاڭىراق

ەلباسىنىڭ قاتىسۋىمەن سەنبى كۇنى ەلوردادا پايدالانۋعا بەرىلدى ەلىمىز تاۋەلسىزدىگىنىڭ 20 جىلدىعى قار­سا­ڭىن­دا استانا قالاسىندا كوپشىلىكتىڭ قۋانى­شى­نا اينالعان كوپتەگەن نىساندار اشىلۋدا. سونداي جۇرەكجاردى جاڭالىقتان جۋرناليستەر قاۋىمى دا قالىس قالعان جوق. ەلباسى نۇر­سۇلتان نازارباەۆ استاناداعى «قازاقستان تەمىر جولى» ۇلتتىق كومپانيانىڭ باستى ءوفيسى جانىنان ورىن تەپكەن «قازمەديا ورتا­لى­عى» قۇرىلىس نىسانىنىڭ اياقتالۋىنا بايلانىستى ونىڭ تۇساۋىن كەستى. «قازمەديا ورتالىعىنىڭ» قۇ­رى­لىسى 2010 جىلدىڭ 8 جەل­توق­سانىندا باستالعان بولاتىن. جاڭا تەلەورتالىقتىڭ تاپسىرىس بەرۋشىسى – «قازاقستان تەمىر جولى» ۇلتتىق كومپانياسى» اق, ال باس مەردىگەرى «سەمبول ۋلۋس­لا­را­رىسى» كومپانياسى. جالپى اۋماعى 75 500 شارشى مەتردى قۇرايتىن «قازمەديا ورتالىق» عيماراتىنىڭ بارلىق تەحنولو­گيا­لىق الاڭدارى «Sony», «Om­neon», «Dalet», «Pharos», «Ever­ts», «Apple», «Avid» سىندى الەم­دەگى وزىق وندىرۋشىلەردىڭ سوڭعى ءونىم­دەرىمەن جابدىقتالعان. ن.نا­زار­باەۆ «قازمەديا ورتالىعى» جاڭا تەلەراديوكەشەنىن ارالاپ كوردى. مەملەكەت باسشىسىنا قا­زىرگى زامان تالابىنا جاۋاپ بەرەتىن جاڭا مەدياورتالىقتىڭ ءمۇم­كىندىكتەرى مەن كەلەشەگى تۋرالى بايلانىس جانە اقپارات ءمينيسترى اسقار جۇماعاليەۆ بايانداپ بەردى. ەل­با­سىعا سونداي-اق تەلە­سە­ريال­داردى تۇسىرۋگە ارنالعان  اپ­پاراتتىق ستۋديالىق كەشەن, جا­ڭالىقتار مەن تەلەباعدارلامالار ستۋديا­لارى, سيمفونيالىق وركەس­ترل­ەردىڭ كونتسەرتتەرىن جازۋعا مۇمكىندىك بەرەتىن ستۋديا جانە سينحروندىق اۋدارما جاساۋ جۇيە­سىمەن قامتاماسىز ەتىلگەن كينوكونتسەرت كەشەنى كورسەتىلدى. بۇرىن مۇنىڭ بارلىعى دا ەكى-ءۇش ستۋديادا ورىندالىپ, تاقى­رى­بىنا قاراي ۇنەمى  وزگەرىپ, ءاۋ­رە-سارساڭعا سالاتىن. بۇرىندارى تەلەستۋديالاردى ءتۇسىرۋ ءۇشىن جارىق, دەكوراتسيالىق قۇرال-جاب­دىقتار, جىلجىمالى ستانسالار سىرتتاعى ءتۇسىرىلىم الاڭدارىنا تا­سىلىپ جاتاتىن بولسا, ەندى مۇنىڭ بارلىعى دا كەشەننىڭ وزىندە جۇزەگە اسىرىلادى. سونى­مەن قاتار, مەرەكەلىك شارالاردىڭ ءوزىن دە ستۋديالاردا اتقارىپ, ونىڭ ساپالى دا كوركەم ەتىپ كو­رەرمەنگە جول تارتۋىنا قول جەت­كىزىلىپ وتىر. مەديا-ورتالىقتىڭ 22-قاباتىندا ەكى پانورامالىق ستۋديا (Sky Studio) ورنالاسقان. بۇل ستۋديالاردا تىكەلەي ەفير جۇرگىزۋ نەمەسە باعدارلامالار ءتۇ­سىرۋ كەزىندە ەلوردانىڭ تاماشا كورىنىسىن پانوراما رەتىندە پاي­دالانۋعا بولادى. استانا كوركىن جوعارىدان تاماشالاۋعا مۇمكىندىك بەرەتىن وسى ءبىر پانورامالىق ستۋدياعا جي­نالعان بۇقارالىق اقپارات قۇ­رال­دارى وكىلدەرىن قۇتتىقتاۋعا كەلگەن ەلباسى بىلاي دەدى: «تاۋەل­­سىزدىگىمىزدىڭ 20 جىلى ءىشىن­دە بۇقارالىق اقپارات قۇرال­دارى­نىڭ ەگەمەندىگىمىزدى باياندى ەتۋدە سىڭىرگەن ەڭبەگى ۇشان-تەڭىز دەپ سانايمىن. وسىنداي عيمارات سالۋ كوپتەن ويدا جۇرگەن. مىنەكي, مۇ­نىڭ دا ءساتى ءتۇستى. كوپ جوبا­لاردىڭ ىشىنەن وسى تاڭداپ الىن­دى». وسىلاي دەپ ءسوزىن ساباق­تا­عان نۇرسۇلتان ءابىش ۇلى مۇندا ورناتىلعان الەمدەگى ەڭ وزىق دەگەن قۇرال-جابدىقتاردى ساتىپ الۋعا 33 ميلليارد تەڭگە جۇم­سالعانىن تىلگە تيەك ەتتى. الماتىدا قالعان تەلەار­نا­لار­دى كوشىرىپ اكەلۋ ماسەلەسى دە نازاردان تىس قال­مايدى. جاڭا كەشەنگە «حابار», «Caspionet», «قا­زاقستان», «بالاپان», «مير» مەم­لەكەتارالىق تە­لەراديو­كوم­پا­نيا­سى», «پەرۆىي كانال ەۆرازيا» جانە «مادەنيەت» تەلەارنالارى, سونداي-اق «قازاق راديوسى», «شال­قار» جانە «استانا» را­ديو­لارى ورنالاسادى. بۇ­دان باسقا تەلەورتالىقتا «ءبىلىم» جانە «حابار-24» تاقىرىپتىق ار­نا­لارى­نىڭ رەداكتسيالارى جۇمىس ىستەيدى دەپ كۇتىلۋدە. نۇرسۇلتان نازارباەۆ سونداي-اق بۇقارالىق اقپارات قۇرالدارى باسشىلارىنا قاراتىپ, قىزىقتى باعدارلامالاردى شەتتەن الا بەرمەي, قازاقستاننىڭ وزىندە جا­ساۋعا قول جەتكىزۋ ءتيىمدى ەكەنىن كولدەنەڭ تارتتى. «قازاقستان» رەسپۋبليكالىق تەلەراديو كور­پو­را­تسياسى»  اق باسقارما ءتورايى­مى نۇرجان مۇحامەدجانوۆا مەن «حابار» اگەنتتىگى» اق باسقارما توراعاسى ايدوس ۇكىباەۆ باستاعان باسشىلار توبى ەلباسىعا ريزا­شىلىقتارىن جەتكىزە وتىرىپ, كورەرمەندەر كوڭىلىنەن شىعاتىن دۇنيەلەردى ازىرلەۋگە دايىن ەكەندىكتەرىن ءبىلدىردى. ورايى كەلگەندە مەملەكەت باسشىسى سەنات تاراپىنان قا­بىلدانعان «حالىق قاھارمانى» اتاعىن بەرۋ تۋرالى زاڭعا ءوزىنىڭ قول قويمايتىندىعىن مالىمدەدى.  مەملەكەت باسشىسى وزىنە ەش­قانداي ماراپاتتىڭ قاجەت ەمەستىگىن ايتا كەلىپ, ەگەر ماراپاتتى قابىلداسام, وندا بولاشاق پرەزيدەنتتەرگە قانداي ۇلگى قال­دى­رامىن دەي كەلىپ, ءوزى ءۇشىن قا­زاقستان حالقىنىڭ 95 پايىز داۋىس بەرىپ, پرەزيدەنتتىككە قاي­تا سايلاۋىنىڭ ءوزى ۇلكەن ماراپات ەكەنىن اتاپ كورسەتتى. ال تۇڭعىش پرەزيدەنت سايلانعان 1 جەلتوق­سان كۇنىن «پرەزيدەنت كۇنى» دەپ اتاۋعا قارسى ەمەستىگىن ءبىلدىردى. «ونداي داتالى كۇندەر الەم تاجىريبەسىندە بار», دەدى اتالعان ماسەلەگە قاتىستى ەلباسى. بۇقارالىق اقپارات قۇرالدارى ەلدىڭ باسەكەگە قابىلەتتىگىن ارت­تى­رۋعا سەرپىن قوساتىن سالا بولىپ تابىلادى. ەلدىڭ قول جەتكىزگەن تابىستارىن كورسەتىپ, ادامداردى وتانسۇيگىشتىككە تاربيەلەۋ, مادە­نيەتتى دامىتۋعا ۇلەس قوسۋ, ءوس­كىن­دەر ءتالىم الاتىن باعدارلامالار جاساۋ وسى سالانىڭ باستى مىندەتى بولعاندىقتان, مەملەكەت وسىنداي قادامعا بارىپ وتىرعانىن بىلدىرگەن ەل پرەزيدەنتى قازىرگى زامان قوندىرعىلارىمەن جاراقتالعان ستۋديالاردا قالاعان  تەلەسەريال­دار­دى تۇسىرۋگە بولاتىنىن دا قاپەرگە سالدى. ماسەلەن, «گولليۆۋدتا» كوپتەگەن فيلمدەر ستۋ­ديا­لاردا تۇسىرىلەدى. قازاقستاندى جانە ونىڭ تۇرعىندارىنىڭ قول جەتكىزگەن جەتىستىكتەرىنەن الەم حاباردار بولۋى ءتيىس. «ءبىز سوعان لايىقپىز. جيىرما جىل ىشىندە ءجۇز جىلعا تاتىرلىق ىستەر ات­قارىلدى. ءبىز الەمدە تانىمال بولا باستادىق, ءبىزدى الدا ۇلكەن جوسپارلار كۇتىپ تۇر», دەدى مەملەكەت باسشىسى. ءسوز سوڭىندا «قازمەديا ورتا­لى­عىنىڭ» بارلىق تەحنولو­گيا­لىق الاڭى الەمدىك جەتەكشى  ءون­دىرۋشىلەردىڭ جاڭا ونىمدەرىمەن جابدىقتالعاندىعىن ايتا كەتكەن ءجون. سونداي-اق كەشەننىڭ ءوندى­رىستىك بازاسىن بىرىڭعاي زاماناۋي تەحنولوگياعا جانە ايقىندىعى جوعارى (HD) پىشىنگە ساي كەلتىرۋ جوسپارلانعان. پرەزيدەنت سونداي-اق بەيبىتشىلىك جانە كەلىسىم سارايىندا وتكەن, ەلوردانىڭ استانا قالا­سىنا كوشىرىلۋ كۇنىنە ارنالعان كونتسەرتتى تاماشالادى. استانا ەگەمەن قازاقستاننىڭ باستى سيم­ۆولىنا, ونىڭ ماقتانىشى مەن زور جەتىستىگىنە اينالدى. كونتسەرتتىك باعدار­لاماعا قازاقستان استانالارىنىڭ ءجۇرىپ وتكەن جولى باياندالدى. سونىمەن بىرگە, باعدارلاماعا ءپاتريوتيزمدى, ەلور­داعا, قازاقستانعا دەگەن ءسۇيىس­پەنشىلىكتى جىرلايتىن شىعارما­لار ەنگىزىلگەن. كونتسەرتكە قازاق­ستاندىق ەسترادا جۇلدىزدارى قاتىستى. اسقار تۇراپباي ۇلى.