جوبا اياسىندا وسى جىلدىڭ شىلدە ايىنان باستاپ قالاداعى 2070 قوقىس الاڭدارىنا ارنايى 6 275 كونتەينەر قويىلادى. وسىلايشا, شاھار تۇرعىندارى «سارى» جانە «جاسىل» ءتۇستى كونتەينەرلەرگە تۇرمىستىق قالدىقتاردى سۇرىپتاپ تاستايدى. ايتالىق «سارى» كونتەينەرگە قايتا وڭدەۋگە جارامدى: مەتالل, پلاستيك, قاعاز, شىنى قالدىقتارى تاستالسا, جاسىل كونتەينەرگە تاماق قالدىقتارى, ورگانيكالىق جانە باسقا دا وڭدەۋگە كەلمەيتىن قالدىقتار سالىنباق. قوعامدىق ماڭىزى بار باستامالاردى دامىتۋ قورى توراعاسىنىڭ ورىنباسارى تاتيانا نەمتساننىڭ ايتۋىنشا, ۇيدەگى قوقىستى سىرتقا كوبىنە بالالار شىعاراتىندىقتان, شارانى ۇيىمداستىرۋدا ولاردى اتالعان جوبامەن تانىستىرۋ, تازالىققا باۋلۋعا باسا نازار اۋدارىلدى. ەلوردا جاستارى ەكولوگيالىق مادەنيەتتى ناسيحاتتاۋشى, تازالىق قوزعالىسىنىڭ باستاۋشىسى بولۋى ءۇشىن قالا مەكتەپتەرىندەگى ۇستازدارعا ارنالعان شەبەرلىك دارىستەرى دە وتكىزىلدى. ال سlean Taxi الەۋمەتتىك جوباسىنىڭ جەتەكشىسى ورازگۇل ەسداۋلەتوۆانىڭ ايتۋىنشا, الداعى ۋاقىتتا ەلوردا تۇرعىندارى ىستەن شىققان تۇرمىستىق تەحنيكانى, ەسكى تەلەفون مەن كومپيۋتەردى جاڭا تاكسي قىزمەتىنە وتكىزۋ ارقىلى ۋاقىتى مەن اقشاسىن ۇنەمدەي الادى. تەگىن تاكسي توزىعى جەتكەن تەحنيكالاردى وڭدەۋ ورىندارىنا جەتكىزەدى. بۇعان قوسا, تۇرمىستىق قالدىقتاردى وتكىزۋدەن تۇسكەن پايدا, الەۋمەتتىك ءالسىز توپتارعا جاڭا جۇمىس ورنىن اشۋعا مۇمكىندىك بەرمەك. بارلىق جينالعان قالدىقتار الەۋمەتتىك ءالسىز توپتاردىڭ كومەگىمەن وڭدەلەدى. پيلوتتىق جوبا ازىرشە استانا قالاسىندا قولعا الىندى. ەگەر جوبا ءساتتى جۇزەگە اسسا, بۇل جۇمىستى قازاقستاننىڭ ءىرى قالالارىندا دا جۇرگىزەمىز, دەيدى سlean Taxi الەۋمەتتىك جوباسىنىڭ جەتەكشىسى. ايتا كەتەرلىگى, ەكولوگيالىق جارمەڭكەدە جينالعان تۇرمىستىق قالدىقتاردى 10-نان استام قوقىس وڭدەۋشى كومپانيا قايتا وڭدەۋدەن وتكىزبەك.
جىل سايىن قازاقستاندا 5,5 ميلليون توننادان استام قاتتى تۇرمىستىق قالدىق جينالسا, ەلوردادا ءبىر جىلدا 300 مىڭ توننا قالدىق شىعارىلادى. بۇل دەگەنىمىز قالادان كۇنىنە 1 مىڭ تونناعا جۋىق قالدىق شىعادى دەگەن ءسوز. وسى رەتتە قالدىقتى بولەك جيناۋ ارقىلى قوقىس پوليگونىنا تۇسەتىن كولەمدى ازايتۋعا بولادى. بۇل ءوز كەزەگىندە تابيعي رەسۋرستىڭ ۇنەمدەلىپ, ەلىمىزدە قايتا وڭدەۋ سالاسىنىڭ دامۋىنا جول اشپاق. ءتىپتى كەلەر جىلدىڭ كۇزىندە استانادا قالدىق وڭدەيتىن كەشەندى زاۋىت ىسكە قوسىلادى دەگەن جوسپار بار. اتالعان كاسىپورىن ورگانيكالىق قوقىستى تولىعىمەن وڭدەپ, بيوگاز جانە كەي تىڭايتقىش تۇرلەرىن شىعارۋعا باسىمدىق بەرەدى.
ەركەجان ايتقازى,
«ەگەمەن قازاقستان»
