ماسەلەن, بۇل كۇندەرى پاريجدە ءوتىپ جاتقان «رولان گارروستىڭ» جۇلدە قورى 39 197 000 ەۋرونى قۇرايدى. بۇل باسەكەدە قازاقستاننىڭ تەننيسشىلەرى اراسىندا يۋليا پۋتينتسەۆا ەڭ جاقسى ناتيجە كورسەتۋدە. قازىردىڭ وزىندە پۋتينتسەۆا 380 000 ەۋرونى ءاميانىنا سالدى. ەگەر وسى مەجەدەن وتانداسىمىز سۇرىنبەي وتسە, وندا ونىڭ ەسەپ-شوتىنا 560 000 ەۋرو اۋدارىلادى. ياعني جارتىلاي فينالعا شىققان ويىنشىلارعا وسىنشاما كولەمدە قاراجات تيەسىلى. ال اقتىق ايقاسقا جولداما العاندار 1 120 000 ەۋرونى يەلەنسە, «رولان گارروستىڭ» جەڭىمپازدارى 2 200 000 ەۋرونى ولجالايدى.
«ۇلكەن دۋلىعا» تۋرنيرلەرىنىڭ ءبىر ەرەكشەلىگى – وعان قاتىسۋدىڭ ءوزى ءار تەننيسشى ءۇشىن زور ابىروي, ۇلكەن مارتەبە جانە ماتەريالدىق جاعدايىن تۇزەپ الۋعا تاماشا مۇمكىندىك. تىپتەن «رول ان گارروستىڭ» تۇساۋكەسەر كەزدەسۋىندە سۇرىنگەن ويىنشىنىڭ ءوزى 40 000 دوللاردى قالتاعا باسادى. ەكىنشى جانە ءۇشىنشى اينالىمدا ونەر كورسەتكەندەر 79 000 جانە 130 000 ەۋروعا يەلىك ەتسە, ءتورتىنشى كەزەڭگە وتكەندەر 222 000 ەۋرونى ەنشىلەدى.
وسى ورايدا جوعارىدا ايتىلعان اڭگىمە تەك ەرلەر مەن ايەلدەردىڭ جەكەلەگەن سايىسىنا قاتىسۋشىلارعا عانا قاتىستى ەكەنىن ەسكەرتە كەتكەن ءجون. سونىمەن قاتار جۇپتىق جانە ارالاس جۇپتار اراسىنداعى باسەكەلەردە باق سىناۋشىلارعا بەرىلەتىن قاراجات تاعى بار.
عالىم سۇلەيمەن,
«ەگەمەن قازاقستان»
