حابارلانىپ وتىرعانداي, جول جوندەۋ جۇمىستارىنىڭ جۇرگىزىلۋىنە بايلانىستى سارايشىق كوشەسىنىڭ تۇران داڭعىلىمەن قيىلىسىنداعى جول (كومسومولسكي كەنتىنىڭ باعىتىندا), سونىمەن بىرگە تۇران داڭعىلىنىڭ جەرگىلىكتى ءوتۋ بولىگىندەگى ۇلبيكە اقىن كوشەسىمەن قيىلىسىنداعى جول وسى جىلدىڭ 3 ماۋسىمنان باستاپ, 3 شىلدەگە دەيىن جابىلادى.
«تۇران داڭعىلى بويىنشا ءوتۋ مۇمكىندىگىن ارتتىرۋ ءۇشىن «باس لاين» جولاعى ەكى جاقتان دا ۋاقىتشا الىنىپ تاستالادى دا, بارلىق جولاق بويىنشا ورتاق قوزعالىس ۇيىمداستىرىلادى. سونداي-اق تۇران داڭعىلىنان ءماريام جاگورقىزى كوشەسىنە اپاراتىن سول جاق بۇرىلىسقا تىيىم سالىنىپ, وسى كوشەدەن تۇران داڭعىلىنا شىعۋ اتالعان داڭعىلدىڭ جەرگىلىكتى وتكەلى ارقىلى جۇزەگە اسىرىلادى», - دەلىنگەن حابارلامادا.
استانا قالالىق ءىىد قالا تۇرعىندارى مەن مەيماندارىنا قوزعالىس باعدارىن الدىن الا جوسپارلاپ, ول جوسپارعا تۇران داڭعىلىنىڭ جابىق ۋچاستوگىن قوسپاۋدى سۇرايدى.
