بۇگىن استانادا وسى ماۋسىمدا ءبىرىنشى رەت درەگ-رەيسينگتەن جارىس وتەدى. مۇندا قازاقستاننىڭ بارلىق اۆتوپيلوتتارى وزدەرىنىڭ شەبەرلىكتەرىن كورسەتۋگە كەلدى. بارلىعى – 30-دان استام قاتىسۋشى بولدى.
«قاتىسۋشىلار بۇدان دا كوپ بولۋى كەرەك ەدى, اۋا رايىنا بايلانىستى ءبىرازى كەلمەي قالدى. بۇگىن 5 كلاسس بولادى, ولشەمى – ۋاقىتشا دالىز بويىنشا. الداعى ۋاقىتتا بارلىق جازعى ماۋسىمدا بۇدان دا قىزىقتى وراسان جارىستار وتكىزەمىز», – دەدى جارىس مارەسىن ۇيىمداستىرۋشى اناتولي بوندار.
جىلدامدىققا وجەت اۋەسقويلار اراسىندا ءبىر عانا اۆتوپيلوتشى قىز بار, ول – 25 جاسار لينا گولوۆينا. ماماندىعى بويىنشا تەلەارنا رەجيسسەرى, ال جان-دۇنيەسى ەكسترەمال لينا ءتىپتى ەر ازاماتتار اجىراتا بەرۋگە قينالاتىن اۆتونىڭ ءتۇر-ءتۇرىن, موتوردىڭ قايسىسى مايدى جەمەيتىنى تۋرالى جىلىك-جىلىگىن شاعادى. جارىسقا كولىكتىڭ تەك تەحنيكالىق ساپاسى عانا ەمەس, وعان ماشىق كەرەكتىگىن, تەز ارەكەت ەتە بىلەتىن پيلوتتىق جىلدامدىق پەن ءمىنىپ كەلە جاتقان كولىگىڭنىڭ بارلىق مۇمكىندىگىن مەڭگەرە ءبىلۋىڭ ءتيىس دەيدى. كولىكتىڭ رۋلىنە وتىرىپ كورگەنى سول, بىردەن ماحابباتى ەكەنىن تۇسىنگەن ول, قازىر درايۆسىز ءومىرىن ەلەستەتە المايدى.
«ارينە كەيدە قورقاسىڭ, جوعارى جىلدامدىق, تەحنيكا, بىراق درايۆ كەزىندە ادام ايتىپ جەتكىزگىسىز ءبىر كۇيگە ەنەسىڭ. ەرلەرمەن جارىسقا ءتۇسۋ قيىن ەمەس, سەبەبى ءبىرىنشى كەزەكتە بارلىعىمىزدىڭ ءحوببيىمىز ءبىر جانە توپتاسقان ۇلكەن كوماندامىز», – دەيدى ل. گولوۆينا.
ايتا كەتەيىك, درەگ-رەيسينگتەن وتكەن قالا كۋبوگى ء«بىز جولدارداعى قاۋىپسىزدىك ءۇشىن», «استانا – ەسىرتكىسىز قالا» اكتسياسى جانە استانانىڭ 20 جىلدىعى شەڭبەرىندە وتكىزىلىپ جاتىر.
