ول جەتىسۋ الاتاۋىنىڭ وڭتۇستىك سىلەمدەرىنىڭ اراسىندا, الماتى وبلىسىنىڭ كەربۇلاق جانە پانفيلوۆ اۋداندارىنا ورنالاسقان. شاتقالداردان ەجەلگى ادامداردىڭ تاسقا قاشاپ سالعان سۋرەتتەرىن كورۋگە بولادى.
«التىن ەمەل» اتاۋى موڭعول تىلىندە «التىن ەر» دەگەندى بىلدىرەدى. اڭىز بويىنشا, 1219 جىلى شىڭعىسحاننىڭ اسكەرى ورتالىق ازيانى جاۋلاپ الۋعا اتتانىپ, وسى القاپتى كەسىپ ءوتىپ بارا جاتقاندا, كۇن باتىپ بارا جاتقان شاقتا سارعايعان ءشوپ جامىلعان تاۋلاردى كورىپ, ۇلى قولباسشى «التىن ەر!» دەگەن ەكەن. التىن ەمەل اسۋى شىن مانىندە, سىرتتاي قاراعاندا, ەر-توقىمعا ۇقسايدى.
التىن ەمەلدىڭ تاعى ءبىر كوركى – ىلە وزەنىنىڭ تۇبىنەن جەل ۇشىرىپ كەلگەن قۇمنان تۇزىلگەن ءانشى شاعىلدار. قۇم توبەلەردىڭ دىبىس شىعارۋىنىڭ سەبەبى – قۇم تۇيىرلەرىنىڭ ءبىر-بىرىنە ۇيكەلگەندە عاجايىپ ءبىر ءاننىڭ اۋەنى ەستىلگەندەي بولادى.
