سۋرەتتەردى تۇسىرگەن ورىنباي بالمۇرات, «ەگەمەن قازاقستان»
شارانى ۇيىمداستىرۋشىلاردىڭ پىكىرىنشە, بۇل كورمەنىڭ جاس ۇرپاق ءۇشىن بەرەرى مول. ويتكەنى بۇل كورمە – ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان ۇلتتىق كود, ۇلتتىق جادى ماسەلەسىن جاڭعىرتۋدىڭ ءىس جۇزىندەگى كورىنىسى جانە ۇلتتىق ونەرىمىزدى دارىپتەۋدىڭ جارقىن ۇلگىسى.
جيىندى اشىپ, ءسوز العان پارلامەنت ءماجىلىسىنىڭ دەپۋتاتى باقىتجان ەرتاەۆ حالىقتىق تاڭداۋ ارقىلى ىرىكتەلگەن «100 جاڭا ەسىم» قاتارىنا اتى ەنگەن ىسكەر حانىم بۇل كۇنگە, مۇنداي كۇيگە, وسىنداي دارەجەگە تايماس تاباندىلىعىنىڭ ارقاسىندا جەتىپ وتىر دەسە, مادەني شارانىڭ كەلەسى قوناعى سەناتور ءالي بەكتاەۆ, كورمە سورەسىندەگى جادىگەرلەرگە قاراپ, بابالار مۇراسى ۇلى دالا مادەنيەتىنىڭ قانداي بولعانىن اڭعارتادى دەپ, ءسوزىن تۇيىندەدى.
راسىندا, بۇل رەتكى كورەرمەن كوزايىمىنا ۇسىنىلىپ وتىرعان 300-دەن استام جادىگەرلەردىڭ دەنى كونە دۇنيەلەر. اتاپ ايتقاندا, ەجەلگى ساندىك-زەرگەرلىك بۇيىمدار, جاۋىنگەرلىك جاراقتار, جىلقى جابدىقتارى, ەسكى تيىندار سەكىلدى ارتەفاكتىلەر. بۇلاردىڭ ىشىندە تاريحي ماڭىزدىلىعى جاعىنان ەڭ كونەسى ءبىزدىڭ جىل ساناۋىمىزدىڭ ءىى عاسىرىندا, ياعني قاراحانيدتەر داۋىرىنەن ءسال ىلگەرى قازىرگى قۇمىل ويپاتىندا ءومىر سۇرگەن ەجەلگى ءۇندى مادەنيەتىن ۇستانۋشى كۋشار پاتشالىعى شىعارعان تيىندار مەن قازاق حاندىعى كەزەڭىنە ءتان تەمىر ساۋىت-سايماندار, سونىمەن قاتار ءحىىى-ءحVى عاسىرلاردا جاسالعان قولونەر تۋىندىلارى.
كورمە سورەسىنەن ورىن العان – قازاقتىڭ بايىرعى كەستە ونەرىنىڭ تۋىندىلارى تۇسكيىزدەر, توقىلعان كىلەم جانە مارجان, اقىق, كۇمىس, التىن بۇيىمدارمەن ارلەپ جاساعان شولپى, شاشتەڭگە, شەكەلىك, القا, ورنەكتى تۇيمەلەر, بىلەزىك, بەلبەۋ, وڭىرجيەك, سىرعا قاتارلى بۇيىمدار راسىندا كوز تارتارلىق.
سونداي-اق ءحىح عاسىرعا ءتان اڭشىنىڭ پىلتە مىلتىعى, ءحVىىى عاسىر مۇراسى تەڭگەلى كامزول مەن كيمەشەك, ءۇش عاسىر بۇرىن رەسەيلىك شەبەرلەر جاساعان جەز ساماۋرىندار, مىس قۇمان, بولات كەسە, ت.ب. جادىگەرلەر شىنىندا ۇلتىمىزدىڭ ەتنوگرافياسىن بىلۋگە, تۇرمىس-سالت بۇيىمدارىنىڭ ريتۋالدىق مازمۇنىن زەرتتەۋگە تاپتىرماس دۇنيە.
ء سوز سوڭىندا شۇيىنشىلەپ ايتۋعا تۇرارلىق وقيعا, ەسكى مۇرالار يەسى باھارگۇل حانىم ءوزىنىڭ كوللەكتسياسىنان اسكەري-تاريحي مۋزەي قورىنا 1855 جىلى تۋلا قالاسىنداعى قارۋ-جاراق زاۋىتىندا جاسالعان مىلتىق پەن عاسىر بۇرىن ءبىز كەستەمەن توقىلعان تۇسكيىزدى سىيعا تارتتى.
بەكەن قايرات ۇلى,
«ەگەمەن قازاقستان»
