10 جەلتوقسان، 2011

الەۋەتتى كومپانيانىڭ الەۋمەتتىك جاۋاپكەرشىلىگى جوعارى باعالاندى

183 رەت كورسەتىلدى
بۇگىندە بيزنەستىڭ الەۋمەتتىك جاۋاپكەرشىلىگى ەلىمىزدىڭ تۇراقتى دامۋىندا جەدەل سترا­تەگيالىق ماڭىزعا يە بولىپ وتىر. ەلباسى جارلىعىمەن دۇنيەگە كەلگەن «پارىز» باي­قاۋى بيزنەستىڭ جوبالارى مەن باعدار­لا­ما­لا­رىن جۇزەگە اسىرىپ، الەۋمەتتىك ءتاجىري­بە­لەر­دىڭ ءتۇرلى فورمالارىن تانىتاتىن تەحنو­لو­گياعا اينالىپ ۇلگەردى. ەلوردانىڭ «سارىارقا-ۆەلوترەك» سپورت كەشەنىندە «پارىز-2011» كونكۋرسىنىڭ بايقاۋىن­دا بىرقاتار جەڭىمپازداردىڭ ەسىمى اتالىپ، بيلىك تاراپىنان باعاسىن الدى. اتالمىش بايقاۋعا قاتىسۋ ءۇشىن ەلىمىزدەگى شاعىن جانە ورتا، ءىرى كاسىپكەرلىكپەن اينالىساتىن 610 كاسىپورىن نيەت تانىتقان ەكەن. يندۋستريالاندىرۋ كۇنى شەڭبەرىندە بيزنەستىڭ دامۋىن ىنتالاندىرۋ ءۇشىن وتكەن وسى بايقاۋدا «قازمۇنايگاز» بارلاۋ ءوندىرۋ» اق «جىلدىڭ ەڭ ۇزدىك الەۋمەتتىك جوباسى» قاتارىندا اتالدى. ارينە، بۇل الەۋمەتتىك جوبالاردى جۇزەگە اسىرۋدا ەلەۋلى ىستەردى اتقارعان كومپانيا جۇ­مىسىنا بەرىلگەن باعا. ءوز كەزەگىندە «قاز­مۇناي­گاز» بارلاۋ ءوندىرۋ» اق سول سەنىمگە لايىق كوشباسشىلاردىڭ قاتارىنان كورىنە ءبىلدى. اۋەلگى مىندەت – الەۋمەتتىك جاۋاپكەرشىلىك باعىتىن ۇستانعان كومپانيا قوعامداعى ءتۇرلى سالالارعا قولداۋ كورسەتىپ كەلەدى. ەلىمىزدىڭ مۇناي جانە گاز ءوندىرۋ سالاسىندا ۇشتىككە كىرىپ وتىرعان الپاۋىت قازىرگى تاڭدا بيزنەستىڭ الەۋمەتتىك جاۋاپكەرشىلىگى تۋرالى جاعىمدى كوزقاراس قالىپتاستىرىپ وتىر. ولاي دەۋىمىزدىڭ سەبەبى بار. ماسەلەن، «قازمۇنايگاز» بارلاۋ ءوندىرۋ» اق بەس جىلدان بەرى قازاقستان جانە لوندون قور بيرجالارىندا اكتسيالارىن ساۋدالاپ كەلەدى. نەگىزگى اكتيۆتەرگە ينۆەستيتسيالار سالۋ باعدارلاماسىن جۇزەگە اسىرۋدا حالىقارالىق رىنوكتا ءوزىنىڭ ۇستانىمدارىن بارىنشا نىعايتتى. كومپانيانىڭ اكتيۆتەرى ماڭعىستاۋ مەن اتىراۋ وبلىسىندا بولعاندىقتان، جەرگىلىكتى حالىقتىڭ الەۋمەتتىك جاعدايىن جاقسارتۋ ءبىرىنشى كەزەكتەگى باستاما بولدى. جىل باسىنان بەرى كوپتەگەن الەۋمەتتىك ماڭىزى بار جو­بالاردى قارجىلاندىرىپ، ايماقتاعى حالىقتىڭ تۇرمىس دەڭگەيىن كوتەرۋدە ءبىرشاما شارۋالار اتقاردى. اتاپ ايتساق، ماڭعىستاۋ وبلىسىندا كەلىسىم-شارتتىق مىندەتتەمە شەڭبەرىندە جاڭا­وزەن قالاسى جانە قاراقيا اۋدانىنىڭ الەۋ­مەتتىك ينفراقۇرىلىمىن دامىتۋ باعدار­لاماسى، تۇرعىن ءۇي-كوممۋنالدىق شارۋا­شىلىعىن جانە ايماقتىڭ الەۋمەتتىك جو­بالارىن قوسىمشا قارجىلاندىرۋ، جۇمىس ورىندارىن اشۋ، 200 پاتەرلى كوممۋنالدىق تۇرعىن ءۇي قۇرىلىسىن اياقتاۋ، «توڭىرەكشىڭ» ەلدى مەكەنىندەگى قوسالقى شارۋاشىلىقتى 500 گەكتارعا دەيىن كەڭەيتۋ، الپىستان استام بالالار اۋلاسىن جابدىقتاۋ، قالاداعى ون مەكتەپتىڭ اۋماعىنا قازىرگى زامانعا ساي جاساندى جابۋى بار الاڭ ورناتۋ جۇمىستارى كورسەتىلگەن مەرزىمدە تاپسىرىلدى. «كەندىرلى» دەمالىس كەشەنىندەگى مەديتسي­نا­لىق-ساۋىقتىرۋ ورتالىعى، كاسپي تەڭىزى جاعا­لاۋىندا جالپى قۇنى 570 ملن. تەڭگەنى قۇرايتىن 250 ورىندىق بالالاردى ەمدەۋ ورتالىعى دا حالىقتىڭ يگىلىگىنە جارادى. اتىراۋ وبلىسى ماقات اۋدانى دوسسور پوسەلكەسىندە اشىلعان 80 بالاعا لايىقتالعان «بوتا­قان» بالاباقشاسى، كۇردەلى جوندەۋدەن وتكەن وب­لىستاعى «مۇنايشى» مادەنيەت سارايى، ميالى پوسەلكەسىندە پايدالانۋعا بەرىلگەن دەنە شىنىقتىرۋ-ساۋىقتىرۋ كەشەنى جانە تاعى باسقا بىرقاتار ماڭىزدى نىساندار كومپانيانىڭ ۇزدىك دەپ تانىلعان الەۋمەتتىك جوبالارى ەدى.

بۇگىندە «پارىز-2011» بايقاۋىندا جۇلدەگە ىلىككەن كومپانيا الداعى ۋاقىتتا دا حالىق ءۇشىن الەۋمەتتىك ماڭىزى زور جوبالاردى قارجى­لان­دىرىپ، قالىڭ بۇقارانىڭ كادەسىنە جارايتىن وزگە دە باستامالارعا ۇدايى قولداۋ كورسەتپەك.

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

اتىراۋ وبلىسى «سارى» ايماققا ءوتتى

كوروناۆيرۋس • بۇگىن، 08:54

ۇقساس جاڭالىقتار