«ديپلوممەن – اۋىلعا!» جوباسى ورال وڭىرىندە ويداعىداي ىسكە اسىپ كەلەدى

كەڭەستىك كەزەڭدە جوعارى ءبىلىمدى مامانداردى اۋىلعا ولاردىڭ ەركىنەن تىس, كۇشتەپ جىبەرۋ تاجىريبەسى ور­نىق­قانى جاسىرىن ەمەس. ەشقانداي الەۋمەتتىك-تۇرمىستىق جاع­داي تۋ­عى­­زىلماعان, ءتيىستى قارجىلاي كومەك كورسەتىلمەگەن ۋا­قىت ارا­لىعىندا ينستيتۋت بىتىرگەن جاستار بەينەبىر جازاسىن وتەپ جۇرگەن جانداي كۇي كەشتى دەسەك, شىندىقتان الشاق كەتپەيمىز. ەگەمەن ەل بۇل ماسەلەگە ومىرشەڭ دە وركەنيەتتى كوزقاراس تۇرعىسىنان كەلە بىلگەنى ۇلكەن مەرەي.  سونىڭ ءبىرى – باس­تاۋى وسىدان ءتورت جىل بۇرىن قالانعان «ديپلوممەن – اۋىل­عا» جوباسى. ناقتىراق ايتقاندا, بۇل ماسەلە 2007 جىلى ەلباسى قاتىسقان اۋىل شارۋاشىلىعى قىزمەت­كەر­لەرى­نىڭ رەسپۋبلي­كا­لىق فورۋمىندا كوتەرىلگەنى بەلگىلى. وسى ارادا اتالعان جو­بانىڭ العاشقى دەم بەرۋشىسى دە, ونىڭ العا باستىرۋشىسى دا مەملەكەت باسشىسى نۇرسۇلتان نازارباەۆ ەكەنىن ايتۋدىڭ ءوزى ءبىر مارتەبە. اتالعان كەڭەستە ەلباسى كوتەرگەن وسى ماسە­لە­گە وراي 2008 جىلى اۋىلعا باراتىن مامانداردى ماتەريال­دىق تۇرعىدان ىنتالاندىرۋ جونىندە ارنايى زاڭ كۇشىنە كىردى. بۇدان كەيىنگى كەزەڭدە وسى زاڭدى ىسكە اسىرۋ ءۇشىن ۇكىمەتتىڭ ءتيىستى قاۋلىسى قابىلداندى. مىنە, بۇگىندە رەسپۋبليكانىڭ ءار قيىرىندا كەڭىنەن ءجۇ­زە­گە اسا باستاعان «ديپلوممەن – اۋىلعا» جوباسىنىڭ تۇڭعىش باستاۋى وسىنداي. ەگەمەن ەلىمىزدىڭ ەرتەڭى ءۇشىن ەرەكشە ما­ڭى­زى بار بۇل ءىس اقجايىق وڭىرىندە دە ويداعىداي ىسكە اسىپ كەلەدى. ناقتىراق ايتقاندا, اتالعان جوبا شەڭبەرىندە 2009 جىلى وبلىستا 509 مامان اۋىلدىق ەلدى مەكەندەرگە بارىپ قىزمەتكە ورنالاستى. تيىسىنشە بۇل كورسەتكىش 2010 جىلى 529-دى قۇرادى. بيىلعى جىلى جوعارى ءبىلىمدى جاس مامانداردىڭ ءوز ەرىكتەرىمەن شالعاي اۋىلدارعا بارۋ ءۇردىسى ودان ءارى جالعاستى. الداعى جانە وتكەن جىلمەن سالىستىرا قاراعاندا, بيىل بۇل لەكتىڭ ءسال تومەن بولۋىن باتىس قازاقستان وبلىستىق ەكونوميكا جانە بيۋدجەتتىك جوسپارلاۋ باسقارماسى مەملەكەتتىك ورگاندار قىزمەتىنىڭ تيىمدىلىگىن باعالاۋ جانە مونيتورينگ ءبولىمىنىڭ باستىعى رايسا ەركەعاليەۆا بۇعان دەيىن ورىن العان بيۋدجەتتىك قاراجاتتىڭ تاپشىلىعىمەن بايلا­نىس­­تىر­عان. الايدا قاراشا ايىنىڭ باسىنان باستاپ بۇل تاپ­شى­لىق­تىڭ ورنى ارتىعىمەن تولىقتىرىلعان ەكەن. سوندىقتان دا بيىلعى جىل قورىتىندىسىندا اۋىلعا بارا­تىن ديپلومدى مامانداردىڭ سانى الدىڭعى جىلدارمەن سالىستىرا قاراعان­دا ارتىق بولماسا كەم بولمايدى دەپ مالىمدەدى. تاعى دا كەڭەستىك كەزەڭمەن سالىستىرا قاراعاندا, ەگەمەن ەل جاعدايىندا جاس ماماندارعا تۋعىزىلعان جاعداي جەر مەن كوكتەي ەكەنىنە ايقىن كوز جەتكىزە تۇسەمىز. ايتالىق, ول كەزدە اۋىلدا تۇراتىن مۇعالىمدەر مەن دارىگەرلەردىڭ جالاقىسى وتە از, ەڭ تومەنگى كۇنكورىس دەڭگەيىنە جەتەتىندەي عانا ەدى. مىسال ءۇشىن ايتساق, سوڭعى جىلدارى رەسپۋبليكادا  بۇل ماماندىقتا ىستەيتىن اۋىل تۇرعىندارىنىڭ جالاقىسى 100 پايىزعا دەيىن وسكەنى بەلگىلى. سونداي-اق دارىگەرلەر مەن مۇعالىمدەردىڭ مارتەبەسىن ءوسىرۋ باعىتىندا دا ايتارلىقتاي جۇمىستار اتقارىلدى. ايتا بەرسە, باتىس وڭىرىندە مۇنداي مىسالدار جەتكىلىكتى. وسىلايشا مۇندا ەگەمەندىكپەن ەنشىلەس «ديپلوممەن – اۋىلعا» جوباسى ءتورت اياعىنان تەڭ باسىپ كەلەدى. تەمىر قۇسايىن. باتىس قازاقستان وبلىسى.