ءۇش جىلدا 164 ءبىلىم نىساندارى ىسكە قوسىلدى

رەسپۋبليكا بويىنشا ورتا مەك­تەپتەردىڭ ەڭ اۋىر كۇيىن تارتقان وب­لىس­تاردىڭ ءبىرى – وڭتۇستىك قازاقستان. ەكى اۋىسىمدى بىلاي قويعاندا ماق­تا­ارال, سايرام سەكىلدى, ءبىر وزىندە 40 مىڭعا تارتا حالىق جايلاعان اۋىلدارى بار ءىرى اۋدانداردا ءۇش, ءتورت اۋىسىمدى مەكتەپتەر بولدى. ەندى بولعان دەپ وتكەن شاقپەن ايتساق قاتەلەسپەيمىز. جازعىتۇرىم وبلىس اكىمى اسقار مىرزاحمەتوۆ تولە بي اۋدانىندا ءوت­كەن “ىرىس الدى ىنتىماق” فورۋ­مىن­دا: “بيىل بيۋدجەت ەسەبىنەن 54 مەك­تەپتىڭ, 18 بالاباقشانىڭ, سونداي-اق 8 مەكتەپكە قوسىمشا قۇرىلىس جۇمىس­تارى جۇرگىزىلۋدە. ءبىر جاعىنان, بۇل, تاۋەلسىزدىگىمىزدىڭ ۇلكەن جەتىستىگىنىڭ ءبىرى ەكەندىگىن كورسەتەدى. قازىعۇرتتاعى جيىندا «جاستار ور­تا­لىعىن» اشۋ كەرەكتىگى ايتىلسا, ءبۇ­گىن­دە تالاپقا ساي وبلىستىق جاستار ورتالىعى, وعان قوسىمشا اۋدانداردا دا وسىنداي ورتالىقتار اشىلدى. بۇ­دان بولەك باسقا دا كەشەندەر, سپورتتىق كلۋبتار اشىلۋدا” دەگەن بولاتىن. مەملەكەتىمىزدىڭ ءبىلىم سالاسىنا سالىپ جاتقان قارجىسى وتە قوماقتى. ءما­سە­لەن, وڭتۇستىكتەگى ءبىلىم بەرۋ سالا­سىن قار­جىلاندىرۋ بيىل 119,3 ملرد. تەڭ­گەگە جەتتى. بۇل وتكەن جىلمەن سالىس­تىر­عاندا, 20,9 پايىزعا ارتقان. “100 مەكتەپ” باعدارلاماسى بويىن­شا 39 مەكتەپ جوسپارلانسا, ونى تولى­عى­مەن اياقتادىق. سوڭعىسى شايان ەلدى مەكەنىندەگى مەكتەپ-ينتەرنات اعىمداعى جىلدىڭ 1 قىركۇيەگىندە بەرىلدى. ءبىر جاعىنان بۇل ساقالدى قۇرىلىس بو­لاتىن. جالپى, ءبىلىم سالاسىنداعى بار­لىق  ساقالدى قۇرىلىستاردى جاپتىق, – دەيدى وبلىستىق ءبىلىم باسقارماسىنىڭ باستىعى البينا بالعابايقىزى. انىقتالعان 29 ءۇش اۋىسىمدا ءبىلىم بەرەتىن, اپاتتى جاعدايداعى 62  مەك­تەپ­تىڭ دە ماسەلەسى تولىق شەشىلگەن بولسا, 249 ءبىلىم بەرۋ نىساندارىندا كۇردەلى جوندەۋ جۇمىستارىن جۇرگىزۋگە 5,1 ملرد. تەڭگە قارالىپ, 2,8 ەسەگە ار­تى­پ­تى. ال مەكتەپكە دەيىنگى ۇيىم­دار­دىڭ سانى 81 بىرلىككە, 8906 بالاعا ارتىپ, 50398 بالانى قامتيتىن 501 مەك­تەپكە دەيىنگى ۇيىمدار جۇمىس ءىس­تەۋ­دە. جىل­دىڭ سوڭىنا دەيىن بالالار­دىڭ قام­تىلۋى 50 پايىزعا جەتكىزىلەتىن بولادى. وڭتۇستىكتە وسىنداي وڭدى وزگە­رىس­تەر بولىپ جاتىر. باقتيار تايجان. شىمكەنت