ء«بىز قىتايمەن جان-جاقتى ستراتەگيالىق ارىپتەستىككە زور ماڭىز بەرەمىز, ونى نىعايتۋعا ءبىزدىڭ مەملەكەتتەرىمىزدىڭ باسشىلارى نۇرسۇلتان نازارباەۆ پەن سي تسزينپين شەشۋشى ۇلەس قوستى», - دەپ اتاپ ءوتتى ق.توقاەۆ.
قازاقستان پارلامەنتى جوعارعى پالاتاسىنىڭ باسشىسى پرەزيدەنت ن. نازارباەۆتىڭ قىتايعا الداعى مەملەكەتتىك ساپارى مەن ونىڭ تسينداوداعى شىۇ سامميتىنە قاتىسۋى ەكىجاقتى قاتىناستارعا جاڭا سەرپىن بەرەتىنىنە سەنىم ءبىلدىردى.
ق.توقاەۆ زاڭ شىعارۋ ورگاندارى دەڭگەيىندەگى بايلانىستار قارقىنىنىڭ ارتا ءتۇسۋىن ساياسي ۇنقاتىسۋدىڭ ماڭىزدى بولىگى ەكەنىن ايتتى. كوپتاراپتى پارلامەنتارالىق ۇيىمدار اياسىنداعى كۇش-جىگەردى ۇيلەستىرۋ جاڭا مۇمكىندىكتەر اشاتىن بولادى.
سەنات توراعاسى دىندەر جانە وركەنيەتتەر ۇنقاتىسۋىن نىعايتۋ ىسىندەگى قازاقستاننىڭ كۇش-جىگەرى تۋرالى قىتاي جاعىن حاباردار ەتىپ, الداعى 10-11 قازاندا استانادا الەمدىك جانە ءداستۇرلى دىندەر ليدەرلەرى VI سەزىنىڭ كۇن ءتارتىبى ء«دىني كوشباسشىلار قاۋىپسىز الەم جولىندا» تاقىرىبىنا ارنالاتىنىن اتاپ ءوتتى.
ا. يمينگباحاي قازاقستانمەن ستراتەگيالىق ارىپتەستىكتى دامىتۋعا قىتايدا باسا نازار اۋدارىپ وتىرعانىن جانە الداعى ماۋسىمداعى جوعارى دەڭگەيدەگى كەزدەسۋ ناتيجەلى بولۋىنا زور كۇش-جىگەر سالىپ وتىرعانىن ايتتى.
قحر پارلامەنتىنىڭ ۆيتسە-سپيكەرى پارلامەنتارالىق بايلانىستاردى تەرەڭدەتۋگە ارنالعان بىرقاتار ۇسىنىستار ايتتى. اتاپ ايتقاندا, ا. يمينگباحاي قازاقستان پارلامەنتشىلەرىنە قىتايداعى بىرلەسكەن سەمينارعا شاقىرۋدى جەتكىزدى. ءحوبج دەلەگاتسياسىنىڭ باسشىسى قاۋىپسىزدىكتى قامتاماسىز ەتۋ جانە تەرروريزمگە قارسى ءىس-قيمىل جونىندەگى زاڭنامالىق شارالار سالاسىندا تاجىريبە الماسۋدى بەلسەندى تۇردە جۇرگىزۋگە شاقىردى. ودان باسقا, حالىق ديپلوماتياسىنا قارقىن بەرۋگە, عىلىمي-تەحنيكالىق, ءبىلىم بەرۋ, مادەني سالالارداعى بايلانىستاردى جالعاستىرۋعا ىقىلاس ءبىلدىردى.
اڭگىمە بارىسىندا ساۋدا-ەكونوميكالىق جانە كولىك-لوگيستيكا ىنتىماقتاستىعىن جاڭا دەڭگەيگە كوتەرۋ مۇمكىندىگى تالقىلاندى. ق.توقاەۆ قىتايلىق ترانسقۇرىلىقتىق ء«بىر بەلدەۋ, ءبىر جول» جوباسى مەن قازاقستاننىڭ «نۇرلى جول» باعدارلاماسىنىڭ ۇيلەسۋى ارقاسىندا اشىلاتىن اۋقىمدى مۇمكىندىكتەرگە نازار اۋداردى. ايليگەنگ يمينگباحاي ءوز كەزەگىندە ەلەكتروندىق كوممەرتسيا مەن تسيفرلىق تەحنولوگيا سەكىلدى كەلەشەگى بار سالالار ءوزارا ءىس-قيمىلعا جاڭا سەرپىن بەرەتىنى تۋرالى پىكىرىن ءبىلدىردى.
ق.توقاەۆ قورىتىندى سوزىندە ءتۇرلى سالاداعى ءوزارا ارىپتەستىك قاتىناستار ورناعان كورشى مەملەكەتتەر اراسىندا قانداي دا ءبىر وزەكتى ماسەلەلەر تۋىنداۋى ىقتيمال ەكەنىن, سوندىقتان ولار دوستىق رۋحىنداعى ديپلوماتيالىق كونسۋلتاتسيالار مەن كەلىسسوزدەر ارقىلى عانا شەشىلۋى ءتيىس ەكەنىن اتاپ ءوتتى. توراعا الداعى جوعارىداعى كەزدەسۋدە بارلىق ماسەلەلەر ءتيىمدى كەلىسىمدەرگە كەلۋ, ءوزارا سەنىم جانە ءداستۇرلى دوستىق نەگىزدەرىندە شەشىلەتىنىنە سەنىم ءبىلدىردى.
