فورۋمنىڭ ۇيىمداستىرۋشىلارى الماتى قالاسى اكىمى اپپاراتىنىڭ «قوعامدىق كەلىسىم» كمم جانە الماتى قالاسى ەتنومادەني بىرلەستىكتەر جانىنداعى جاستار قاناتى بولىپ تابىلادى.
فورۋمدا ەلباسىنىڭ «بولاشاققا باعدار: رۋحاني جاڭعارۋ» باعدارلامالىق ماقالاسى اياسىندا تسيفرلى جۋرناليستيكانىڭ مۇمكىندىكتەرى تالقىلاندى. فورۋمدى اشقان قازاقستان ۇيعىر جاستار وداعىنىڭ توراعاسى, قحا مۇشەسى ر.ا.كايرىەۆ جاڭا تەحنولوگيالار كەزەڭىنىڭ مۇمكىندىكتەرى تۇرعىسىندا بىرقاتار مىسالداردى ورتاعا سالدى. الماتى قالاسى قحا توراعاسىنىڭ ورىنباسارى ك.مامسۋروۆ ەلىمىزدىڭ تسيفرلى جۇيەگە كوشۋدەگى جوبالارىندا جاستارعا ۇلكەن جاۋاپكەرشىلىك جۇكتەلەتىنىن ايتا كەلە, الدىڭعى بۋىن جاڭا تەحنولوگيالاردىڭ جەتىستىكتەرىن جاستاردان ۇيرەنەدى دەگەن پىكىرىن ءبىلدىردى.
ال ءال-فارابي اتىنداعى قازۇۋ يۋنەسكو, حالىقارالىق جۋرناليستيكا جانە قوعامدىق مەديا كافەدراسىنىڭ مەڭگەرۋشىسى, پروفەسسور ن.شىڭعىسوۆا جۋرناليستيكانىڭ قوعامدى ساۋىقتىرۋداعى, ەلىمىزدىڭ بەدەلىن كوتەرۋدەگى ءرولىنىڭ جوعارى ەكەندىگىن بۇگىنگى تاڭدا قاۋىپتى ماماندىقتار قاتارىنا ەنگەندىگىن ايتا كەلە اقپاراتتىق قاۋىپسىزدىك, ءجۋرناليستىڭ قۇقىعى, تسيفرلى فورماتقا كوشۋدەگى جاڭا مۇمكىندىكتەر تۋرالى ويىن ورتاعا سالدى.
ال دوستىق ءۇيىنىڭ ديرەكتورى ج.شايمۇحانبەتوۆا قحا جاستار بەلسەندىلىگى تۋراسىندا ءسوز قوزعاپ, «جاراسىم جولى» جاستار قوزعالىسىنىڭ جۇمىسىنا توقتالىپ, تسيفرلى جۇيەگە كوشۋدەگى جاستاردىڭ باستامالارىنا ءسات-ساپار تىلەدى.
الماتى قالاسى بويىنشا «جاڭعىرۋ جولى» جاستار قوزعالىسىنىڭ توراعاسى, ساياساتكەر ي.كۋراەۆ «مەملەكەتتى تسيفرلاندىرۋ: مۇمكىندىكتەرى مەن بولاشاعى» تاقىرىبىندا بايانداما جاساپ, قازاقستاندىق جاستار جاڭا زاماننىڭ ۇيلەستىرۋشىسى دەپ اتاپ كورسەتتى. ياعني تسيفرلى جۇيەگە كوشۋدە ەلىمىزدىڭ الىس ايماقتارى مەن ورتالىقتارىن بايلانىستىرۋداعى نەگىزگى كوپىر بولىپ تابىلاتىن جاستار قاۋىمى جىلدام, زەرەك, قاعىلەزدىك باسىمدىقتارىنا يە بولۋ ارقىلى ەلىمىزدىڭ وسى باعىتتاعى ۇدەرىستەرىنىڭ بەلسەندى قاتىسۋشىلارى بولىپ تابىلاتىندىعىن جەتكىزدى.
قكحپ ۇيىمداستىرۋ پارتيا سەكتورىنىڭ مەڭگەرۋشىسى ا.اۋەلبەكوۆ «قازاقستان رەسپۋبليكاسىنداعى تسيفرلى تەحنولوگيالاردىڭ دامۋى» تاقىرىبىنداعى بايانداماسىندا ەلەكتروندى ۇكىمەتتىڭ مۇمكىندىكتەرى, تسيفرلى جۇيەدەگى جاڭاشىلدىقتار تۋرالى دەرەكتەر كەلتىردى.
الماتى قالاسى اكىمى اپپاراتىنىڭ «قوعامدىق كەلىسىم» كمم ديرەكتورى ج.مۇرىنوۆا «جاڭعىرۋ جولى», «جاراسىم» جاستار قوزعالىسىنىڭ كەز كەلگەن جوبالارىنا قولداۋ بىلدىرەتىندىگىن ايتىپ, جاستاردىڭ جاۋاپكەرشىلىگى جوعارى دەپ اتاپ كورسەتتى.
فورۋم اياسىندا ر.كايرىەۆ جاس جۋرناليستەرگە ارنالعان «Zharasym magazine» جاڭا ەلەكتروندى جۋرنالدى تانىستىردى. ۇيىمداستىرۋشىلاردىڭ پىكىرىنشە, جاڭا جۋرنالدىڭ مۇمكىندىكتەرى زور. قازاق ءتىلىن مەڭگەرۋدە دە, لاتىن قارپىن يگەرۋدە دە دانەكەر باسىلىم بولىپ تابىلادى.
ەلۆيرا سەرىكقىزى,
«ەگەمەن قازاقستان»
الماتى
