وڭتۇستىك قازاقستان وبلىسى ءبىلىم باسقارماسىنىڭ مالىمەتىنە سايكەس, 2018 جىلى قۇنى 4 ملن 900 مىڭ تەڭگەنى قۇرايتىن, 3200 وقۋشىنى قامتيتىن 20 سىنىپ, ال 2019 جىلى 8100 وقۋشىنى قامتيتىن 30 ءىت-سىنىپ اشۋ جوسپارلانۋدا. ول سىنىپتاردا ءىت-ورتالىقتاردا ءبىلىمىن جەتىلدىرگەن مۇعالىمدەر ساباق بەرەتىن بولادى.
وسى جوسپارلار اياسىندا جاقىندا شىمكەنتتە IT- ورتالىق اشىلدى. ازاماتتاردىڭ تسيفرلىق ساۋاتتىلىقتارىن ارتتىرۋعا, ءبىلىم بەرۋ سالاسىن جەتىلدىرۋگە باعىتتالعان IT- ورتالىق «نۇر وتان» پارتياسىنىڭ «IT-مامانداردى دايىنداۋ» جوباسى شەڭبەرىندە ىسكە استى. م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ بازاسىندا ورنالاسقان IT-ورتالىق زاماناۋي 16 كومپيۋتەر, جوعارى جىلدامدىقتاعى ينتەرنەت, قاجەتتى ۆەب-باعدارلامالارمەن جابدىقتالعان.
– بۇل ورتالىقتا IT سالاسىنا قاتىستى قاجەتتى اقپاراتتار, ءتۇرلى قىزمەتتەر ۇسىنىلىپ, ماماندار وقىتىلاتىن بولادى. بۇل ءوز كەزەگىندە حالىقتىڭ تسيفرلىق ساۋاتتىلىعىن ارتتىرادى, – دەيدى وبلىس اكىمىنىڭ ورىنباسارى ت.سارسەمباەۆ.
عالىمجان ەلشىباي,
«ەگەمەن قازاقستان»
