قازاقستان رەسپۋبليكاسى پارلامەنتى ءماجىلىسى مەن ءماسليحاتتارىنىڭ دەپۋتاتتارىن سايلاۋ بويىنشا سايلاۋ ناۋقانىنىڭ بارىسى تۋرالى

پارتيالىق تىزىمدەردى ۇسىنۋ قورىتىندىلارى  مەن  تىركەۋ بارىسى تۋرالى

2011 جىلعى 5 جەلتوقساندا پارتيالىق تىزىمدەر بويىنشا سايلاناتىن قازاقستان رەس­پۋب­ليكاسى پارلامەنتى ءماجىلىسى دەپۋتات­تى­عىنا كانديداتتار ۇسىنۋ اياقتالدى. قازاقستان رەسپۋبليكاسى ورتالىق سايلاۋ كوميسسياسىنا بارلىعى سەگىز ساياسي پار­تيانىڭ: 1. «نۇر وتان» حالىقتىق-دەموكراتيا­لىق پارتياسىنىڭ; 2. قازاقستان پاتريوتتارى پارتياسى­نىڭ; 3. قازاقستان سوتسيال-دەموكراتيالىق «اۋىل» پارتياسىنىڭ; 4. «رۋحانيات» پارتياسىنىڭ; 5. «ادىلەت» دەموكراتيالىق پارتياسىنىڭ; 6. جالپىۇلتتىق سوتسيال-دەموكراتيالىق پارتيانىڭ; 7. قازاقستاننىڭ «اق جول» دەمو­كرا­تيا­لىق پارتياسىنىڭ; 8. قازاقستان كوممۋنيستىك حالىق پار­تيا­سىنىڭ پارتيالىق تىزىمدەرى ۇسىنىلدى. ورتالىق سايلاۋ كوميسسياسى 2011 جىلعى 7 جەلتوقساندا «نۇر وتان» حالىقتىق-دە­موكراتيالىق پارتياسىنىڭ, 8 جەلتوقساندا «اق جول» دەموكراتيالىق پارتياسىنىڭ پارتيالىق تىزىمدەرىن تىركەدى. كۇنتىزبەلىك جوسپارعا سايكەس ساياسي پار­تيالاردىڭ تىزىمدەرىن تىركەۋ 15 جەلتوقسانعا دەيىن جالعاسادى, ال 16 جەلتوقساننان باستاپ پارتيالار ۇگىت جۇمىسىنا كىرىسە الادى.

اقپاراتتىق داۋلاردى قاراۋ جونىندەگى  قوعامدىق كەڭەستىڭ قۇرىلعانى تۋرالى

سونداي-اق, 2011 جىلعى 7 جەلتوقسان كۇنى ورتالىق سايلاۋ كوميسسياسى 2012 جىلعى 15 قاڭتارعا تاعايىندالعان قازاقستان رەسپۋب­لي­كاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىنداعى اقپاراتتىق داۋ­لار­دى قاراۋ جونىندەگى قوعامدىق كەڭەس قۇردى جانە ءتيىستى ەرەجەنى بەكىتتى. قوعامدىق كەڭەستىڭ قۇرامىنا ەلدە تانى­مال زاڭگەرلەر مەن ساياساتتانۋشىلار, جەتەكشى رەسپۋبليكالىق جانە وڭىرلىك بۇقارالىق اق­پا­رات قۇرالدارىنىڭ, سونداي-اق قازاقستان رەس­پۋب­ليكاسىنىڭ وكىلەتتى مەملەكەتتىك ورگان­دارى­نىڭ, ورتالىق سايلاۋ كوميس­سياسىنىڭ, باي­لانىس جانە اقپارات مينيسترلىگى مەن ءادى­لەت مينيسترلىگىنىڭ  وكىلدەرى ەنگىزىلگەن. قوعامدىق كەڭەس سايلاۋ ناۋقانى كەزىندە تۋىندايتىن اقپاراتتىق داۋلاردى القالى قاراۋ ءۇشىن قۇرىلعان جانە قازاقستان رەس­پۋبليكاسى ورتالىق سايلاۋ كوميسسياسى جانىنداعى كونسۋلتاتيۆتىك-كەڭەسشى ورگان بولىپ تابىلادى. قوعامدىق كەڭەستىڭ نەگىزگى مىندەتتەرى: 1) بارلىق سايلاۋ پروتسەسىنە قاتىسۋشى­لار­دىڭ بۇقارالىق اقپارات قۇرالدارىنا تەڭ قول جەتكىزۋىن قامتاماسىز ەتۋگە جانە سايلاۋ الدىنداعى ناۋقان بارىسىن باق-تا وبەك­تيۆتى جاريا ەتۋگە جاردەمدەسۋ; 2) باق پەن ولاردىڭ قىزمەتكەرلەرىنىڭ سايلاۋ پروتسەسىنە قاتىسۋشىلارمەن ءوزارا قارىم-قاتىناستارداعى مۇددەلەرى مەن زاڭدى قۇقىقتارىن قورعاۋ; 3) باق قىزمەتىندە ادەپ نورمالارى مەن كاسىبي پرينتسيپتەردىڭ ساقتالۋىنا ىقپال ەتۋ, سايلاۋ پروتسەسىنە قاتىسۋشىلار مەن باق ارا­سىنداعى داۋلاردى جانە وزگە دە جاعدايلاردى شەشۋگە قاتىسۋ بولىپ تابىلادى. قوعامدىق كەڭەستىڭ قۇزىرەتىنە سايلاۋ پروتسەسىنە قاتىسۋشىلاردىڭ جانە ولاردىڭ سايلاۋ ناۋقانى ۋاقىتىندا سايلاۋ زاڭنا­ما­سىن ساقتاۋى تۋرالى وتىنىشتەردى قاراۋ جانە ولار بويىنشا شەشىمدەر قابىلداۋ كىرەدى. ولار جۇرتشىلىقتىڭ نازارىنا ماتەريال­داردى باق-تا جاريالاۋ نەمەسە ورت­ساي­لاۋ­كومنىڭ رەسمي ينتەرنەت-رەسۋرسىندا ورنا­لاس­تىرۋ ارقىلى جەتكىزىلەدى.

ءماسليحاتتار دەپۋتاتتىعىنا كانديداتتار ۇسىنۋ جانە تىركەۋ بارىسى تۋرالى

2011 جىلعى 8 جەلتوقسانداعى جاعداي بويىنشا ءماسليحاتتار دەپۋتاتتىعىنا 3056 ۇمىتكەر ۇسىنىلعان. ولاردىڭ ىشىندە وبلىستىق ماسليحاتتارعا – 300, سونىڭ ىشىندە استانا قالاسىنىڭ ءماس­لي­حاتىنا – 25 جانە الماتى قالاسىنىڭ ءماس­لي­حاتىنا – 37 كانديدات, اۋداندىق ءماسلي­حات­تارعا – 2252, قالالىق ماسليحاتتارعا – 504 كانديدات. ۇسىنىلعان كانديداتتاردىڭ 830-ى – «نۇر وتان» حالىقتىق-دەموكراتيالىق پارتيا­سى­نىڭ; 17-ءۋى – كوممۋنيستىك حالىق پارتياسى­نىڭ; 12-ءۋى – قازاقستاننىڭ «اق جول» دەمو­كراتيالىق پارتياسىنىڭ; 7-ءۋى – قازاقستان سوتسيال-دەموكراتيالىق «اۋىل» پارتياسى­نىڭ; 3-ءۋى – قازاقستان پاتريوتتارى پارتيا­سىنىڭ جانە  1-ءۋى – جالپىۇلتتىق سوتسيال-دەموكراتيالىق پارتيانىڭ مۇشەسى. 812 ۇمىتكەر وزدەرىنىڭ پارتياعا قاتىستى­لىعىن كورسەتپەگەن, 1374-ءى – پارتيادا جوقتار. قازىرگى ساتكە دەيىن ءماسليحاتتار دەپۋ­تاتتىعىنا 39 كانديدات تىركەلگەن.

ورتسايلاۋكومعا كەلىپ تۇسكەن وتىنىشتەر تۋرالى

2011 جىلعى 16 قاراشا مەن 6 جەلتوقسان ارالىعىنداعى كەزەڭدە ورتسايلاۋكومعا 24 ءوتىنىش كەلىپ تۇسكەن. ولاردىڭ ىشىندە 18 ءوتىنىش سايلاۋ زاڭناماسىن ءتۇسىندىرۋ تۋرالى, تاعى 6-ۋى – سايلاۋ ورگاندارى مەن بۇقارالىق اقپارات قۇرالدارىنىڭ قىزمەتىنە بايلا­نىستى.

قازاقستان رەسپۋبليكاسىنىڭ ورتالىق سايلاۋ كوميسسياسى.