ءبىرىنشى بولىپ تىركەۋگە الىندى

كەشە وسك-دا كوميسسيا وتىرىسى بولىپ ءوتتى, وتىرىس با­رىسىندا «نۇر وتان» حا­لىقتىق-دەموكراتيالىق پار­تيا­سىنىڭ وكىلدەرىنە پار­تيا­لىق ءتىزىمدى بەكىتۋ تۋرالى قاۋ­لى تاپسىرىلدى. 127 ادام­دى قامتيتىن ءتىزىم سايلاۋ كو­ميس­سياسىمەن ءبىرىنشى بولىپ تىركەلدى. تىركەۋ تۋرالى قاۋلىنى العان پارتيا توراعاسىنىڭ ءبىرىنشى ورىنباسارى, رەسپۋبليكالىق ساي­لاۋ­الدى شتاب جەتەكشىسى نۇرلان نىعماتۋلين: «بۇگىن, سارسەنبىنىڭ ءساتتى كۇنى, «نۇر وتان» حالىق­تىق-دەموكراتيالىق پارتياسى ءبىرىنشى بولىپ, ورتالىق سايلاۋ كو­ميسسياسىندا رەسمي تىركەۋدەن ءوتتى. ءبىزدىڭ پارتيالىق تىزىمگە كىر­گەن بارلىق 127 ۇمىتكەرىمىز زاڭ­عا سايكەس, تەكسەرۋدەن ءوتتى. ەندى, 16 جەلتوقساننان باستاپ, ءبىز  بارلىق قالا مەن اۋدانداردا, اي­ماقتاردا ءوزىمىزدىڭ ناسيحات جۇ­مىس­تارىمىزدى باستايتىن بو­لامىز», – دەدى. سونداي-اق كەشە نۇرلان نىع­ما­تۋلين قازاقستان رەسپۋبلي­كا­سىنىڭ پرەزيدەنتى نۇرسۇلتان ءابىش ۇلى نازارباەۆتىڭ باستا­ما­سىن قولداي وتىرىپ, «نۇر وتان» پارتياسى سايلاۋ ناۋقانىنا قا­تىساتىن بارلىق ساياسي پار­تيا­لارعا 2012 جىلعى 15 قاڭتاردا قازاقستان رەسپۋبليكاسى پارلامەنتى ءماجىلىسى مەن ءماسليحاتتار دەپۋتاتتارىنىڭ ءادىل دە اشىق سايلاۋىن وتكىزۋ تۋرالى مە­موراندۋمعا قول قويۋ تۋرالى ۇسىنىس جاساعانىن ايتتى. نۇروتاندىقتاردىڭ ويىنشا, الداعى سايلاۋ ناۋقانى ءبىزدىڭ ەلىمىزدەگى دەموكراتيالىق قۇندى­لىق­تاردى, زاڭدىلىقتى, ويىن ءبىل­دى­رۋ­دەگى ەرىكتىلىك, سايلاۋ ۇدە­رىسىنىڭ اشىق­تىعى مەن ايقىن­دىعىن كور­سە­تۋ الاڭىنا اينالۋى ءتيىس. سون­دىق­تان ولار سايلاۋ ۇدە­رىسىنىڭ بار­لىق قاتىسۋشىلارىن ساياسي ءتوزىم­دى­لىك پەن ءوزارا سىي­لاستىق قاعيدات­تا­رىن ساقتاۋعا, ۇگىت-ناسيحات ناۋ­قا­نىن تەك قازاقستان كونستيتۋتسياسى مەن سايلاۋ زاڭناماسى تالاپتا­رى­نا سايكەس جۇرگىزۋگە شاقىرىپ وتىر. «ەگەمەن-اقپارات».