قار ورنىنا... جاڭبىر جاۋعان قىزىق كۇن

قازاقستاننان كاناداعا 40-قا جۋىق سپورتشى كەل­­­دى. ولاردىڭ كەي­­بىرەۋى وسى كۇن­گە دەيىن جارىس جو­لى­نا شىعىپ تا ءۇل­گەردى. ازىرگە قور­جىنىمىز بوس. الاي­­­­دا, ءدال قازىر “ۆان­كۋۆەردەن ءمىن­دەت­تى تۇردە مەدال الامىز” دەپ, ەشكىم نىق سەنىممەن ايتا المايدى. ويتكەنى, قازاقستاندا قىسقى سپورت تۇرلەرىنىڭ دامۋ بارىسى باياۋ. ۆانكۋۆەردە قاردىڭ جوقتىعى ازداي, كۇندە جاڭبىر جاۋىپ, قىسقى وليمپيا ويىندارىنىڭ ويداعىداي وتۋىنە كادىمگىدەي كەدەرگى كەلتىرىپ تۇر. سونىڭ سالدارىنان العاشقى كۇنى تاۋ شاڭعىسى بويىنشا جارىس وتپەي قالدى. مامانداردىڭ اي­تۋىن­شا, اۋا رايىنىڭ قولايسىز­دىعى اشىق اسپان استىندا سىنعا تۇسەتىن سپورتشىلارعا وزدەرىنىڭ شىنايى شەبەرلىكتەرىن پاش ەتۋگە قولايسىزدىق تۋعىزۋدا. جانە دە 12 اقپاندا بولعان قايعىلى وقيعا ونسىز دا ابىگەرگە تۇسكەن كانادا­لىق­­تاردىڭ سالىن سۋعا كەتىردى. ەس­تەرىڭىزگە سالا كەتەيىك, وليم­پيادانىڭ اشىلۋ سالتاناتىنىڭ باستالۋىنا ساناۋلى ساعاتتار قالعاندا گرۋزيانىڭ 21 جاستاعى سپورتشىسى نودار كۋماريتاشۆيلي قازا تاپقان بولاتىن. جاتتىعۋ بارىسىندا ول شانادان قۇلاپ, سول جەردە ءجانتاسىلىم ەتتى. “بي سي پلەيس” ستاديونىندا وتكەن ۆانكۋۆەردەگى ويىنداردىڭ اشىلۋ سالتاناتى كەزىندە ءبىر مي­نوت­تىك ۇنسىزدىك جاريالانىپ, حا­لىق­ارالىق وليمپيادا كومي­تەتىنىڭ پرەزيدەنتى جاك روگگە جانە ۇيىم­داس­تىرۋ كوميتەتىنىڭ توراعاسى دجون فارلونگ قايتىس بولعان سپورتشىنىڭ وتباسىنا كوڭىل اي­تىپ, قايعىلى وقيعانىڭ ورىن العانىنا وكىنىش ءبىلدىردى. گرۋزيا­نىڭ سپورتتىق دەلەگاتسياسى بۇل راسىمگە قارا جامىلىپ شىقتى. ال جالپى العاندا اق وليمپيادانىڭ اشىلۋ سالتاناتى جوعارى دەڭگەيدە ءوتتى. ۇيەڭكى جاپىراقتارى ەلى تورتجىلدىقتىڭ باستى دوداسىنا جاقسى دايارلانعانى انىق بايقال­دى. القىزىل الاۋدى تۇتاندىرۋ قۇرمەتىنە حوككەيشى ۋەين گرەتتسكي, تاۋ شاڭعىشىسى نەنسي گرين, كونكيشى كاترينا لەمەي-دوان جانە باسكەتبولشى ستيۆ نەش يە بولدى. سالتاناتتى كەشكە سونداي-اق نەللي فۋرتادو, ادامس برايان, دونالد سازەرلەند, جاك ۆيلنەۆ, بوببي ورر سىندى كوپتەگەن جۇل­دىز­دار قاتىستى. قا­زاق ەلى دەلەگا­تسيا­سىنىڭ تۋىن ستا­ديونعا بيات­لون­شى دياس كە­نە­شەۆ ۇستاپ شىق­­­­تى. قازاقستاننان كاناداعا 40-قا جۋىق سپورتشى كەل­­­دى. ولاردىڭ كەي­­بىرەۋى وسى كۇن­گە دەيىن جارىس جو­لى­نا شىعىپ تا ءۇل­گەردى. ازىرگە قور­جىنىمىز بوس. الاي­­­­دا, ءدال قازىر “ۆان­كۋۆەردەن ءمىن­دەت­تى تۇردە مەدال الامىز” دەپ, ەشكىم نىق سەنىممەن ايتا المايدى. ويتكەنى, قازاقستاندا قىسقى سپورت تۇرلەرىنىڭ دامۋ بارىسى باياۋ. ونى قاراپايىم جانكۇيەرلەر عانا ەمەس, سپورت باسشىلارىنىڭ وزدەرى دە مويىن­دايدى. سول سەبەپتى بۇگىنگى تاڭدا “بارعا-ريزا, جوققا-سابىر” دەۋدەن باسقا امال جوق. وتانداس­تارىمىزدىڭ اراسىنان ازىرگە ەڭ جاقسى كورسەت­كىشكە ەلەنا حرۋس­تالەۆا قول جەتكىزدى. بياتلون­شى­لاردىڭ 7,5 شاقىرىمدىق سايى­سىندا ول بەسىنشى ورىن الدى. كىل مىق­تىلار باس قوسقان باسەكەدە ەلەنا تەك سلوۆاكيالىق اناستاسيا كۋزمينا, گەرمانيالىق ماگدالەنا نوينەر, فرانتسيالىق ماري دورەن جانە رەسەيلىك اننا بۋلى­گينادان قالىپ قويدى. وسى ءتى­زىمدەگى العاشقى ءۇش سپورت­شى جەڭىس تۇعىرى­نان قول بۇل­عادى. حرۋس­تالە­ۆامەن بىرگە جا­رىس جولىنا شىق­­­قان اننا لە­بەدەۆا – 52, مارينا لە­بە­دەۆا-58 جانە ليۋبوۆ فيلي­مونوۆا-67 ورىن­­دارعا ورنالاستى. العاشقى وندىققا ەنۋگە فريس­تايل­شى يۋليا گالىشەۆا مەن داريا رى­بالو­ۆانىڭ دا مۇمكىن­دىكتەرى بولدى. موگۋل جارىسىندا ولار 11 جانە 14-ورىنداردى يەلەن­دى. بۇل سايىستا اقش سپورتشىسى كيرني حاننا التىننان القا تاعىندى. ونىڭ جەرلەسى باركە شەنون قولاعا قول سوزسا, كانادا­لىق نەيل دجەني­فەر كۇمىستى كەۋدەسىنە تاقتى. كونكيشىلەر جارىسى ەرلەردىڭ 5000 مەترلىك قاشىقتىققا جۇگىرۋى­مەن باستالدى. بۇل رەتتە گوللان­ديا­نىڭ اسىعى الشىسىنان ءتۇستى. الەمنىڭ ءۇش دۇركىن چەمپيونى سۆەن كرامەر 6:14, 60 سەكوندتىك كورسەت­كىشپەن شاشاسىنا شاڭ جۇقتىرما­دى. بۇل – وليم­پيادالىق رەكورد. وڭتۇستىك كورەيا­نىڭ وعىلانى لي سەۋن حۋن كرامەردەن ەكى سەكوندت­تەن استام ۋاقىت قالىپ قويىپ, كۇمىس مەدال­دى ولجالاسا, رەسەي سپورتشىسى يۆان سكوبرەۆ ءۇشىنشى تۇعىرعا تابان تىرەدى. قازاقستاننىڭ تۋى استىندا ونەر كورسەتكەن دميتري بابەنكونىڭ دا قارقىنى جامان بولعان جوق. ونىڭ ۋاقىتى - 6:31,19. وسى ناتيجەنىڭ ارقاسىن­دا جەرلەسىمىز 15-ورىنعا تابان تىرەدى. سونداي-اق, شاڭعىمەن تۇعىردان سەكىرۋشىلەر مەن شورت-ترەك شەبەرلەرى دە كۇش سىناستى. العاش­قى سپورت تۇرىنەن ەكى جەرلەسىمىز ءوز مۇمكىندىكتەرىن بايقاپ كوردى. “ك-90” جاتتىعۋى بويىنشا نيكولاي كارپەنكو-29 جانە الەكسەي كورو­لەۆ – 44 ورىن­دى يەلەندى. بۇل سايىستا شۆەي­تساريالىق سيمون اممانن توپ جارسا, پولشالىق سيمون ادام مەن گەرمانيالىق گرەگور شليرەن­تساۋەر جۇلدەگەرلەر ساناتىنا قوسىلدى. شورت-ترەكتەن قازاق­ستان­دىقتار اراسىنان باسەكەگە تۇسكەن ەشكىم بولمادى. ال 1500 مەتر­لىك باسەكەدە جۇلدەلى ءۇش ورىن­دى كورەيالىق لي دجۋن سۋ, امەريكالىق – اپولو انتون ونو جانە دجەي سەلسكي ءوزارا ءبولىستى. كەشە قازاقستاننىڭ سپورت­شى­لارى بياتلوننان 10 شاقى­رىم­دىق سپرينتتە جانە فريستايل­­دان سىنعا ءتۇستى. بياتلونشىلار اراسىندا جاسىنداي جارق ەتكەن ەشكىم بول­مادى. ەڭ ۇزدىك كورسەتكىشكە يان ساۆيتسكي قول جەتكىزدى. ول 39-ورىن السا, الەكساندر چەرۆياكوۆ, دياس كەنەشەۆ جانە نيكولاي براي­چەنكو­نىڭ ناتيجەلەرى تىپتەن تومەن. فريستاي­لدان (موگۋل) دميتري رەيحەرد پەن دميتري بارماشوۆ كۇش سىناستى. بار­ماشوۆ باستاپقى سىندا سۇرىنسە, رەيحەردتىڭ ءاۋ باس­تاعى شابىسى كوڭىلدەن شىقتى. بىراق الەم كۋبوگىنىڭ كەزەڭدەرىندە جاقسى ونەر كورسەتىپ جۇرگەن جاس  ءتورت­جىلدىقتىڭ باستى جارى­­سىندا وڭباي ءسۇرىندى. ۆان­كۋۆەردە رەيحەرد 18-ورىندى مىسە تۇتتى. كومان­دالىق ەسەپتە ازىرگە فرانتسيا قۇراماسىنىڭ كوشى ىلگەرى. فران­تسۋزدار 2 التىن جانە 1 قولاعا يەلىك ەتتى. ەكىنشى ورىنداعى گەر­مانيانىڭ ەنشىسىندە 1 التىن مەن 3 كۇمىس. اقش 1 التىن 2 كۇمىس جانە 3 قولانى ولجالاسا, ودان كەيىنگى ساتىلاردا كانادا مەن وڭتۇستىك كورەيا. بۇل كوماندالار ءتۇرلى-ءتۇستى مەدالداردىڭ ارقاي­سىنان ءبىر-بىردەن قورجىنعا سالدى. عالىم سۇلەيمەن,  ارنايى “ەگەمەن قازاقستان” ءۇشىن – ۆانكۋۆەردەن.