ەسكى عيمارات ءۇش ايدا كۇردەلى جوندەۋدەن شىقتى. جاڭا ەمحانا زاماناۋي قۇرالدارمەن جابدىقتالىپ, كەشەندى مەديتسينالىق اقپارات جۇيەسى ىسكە قوسىلدى. جوندەۋگە جۇمسالعان قاراجاتتاردى وبلىستىق اۋرۋحانا ءوز بيۋدجەتىنەن ءبولدى.
«ۆيترەورەنتيلدىك حيرۋرگيا - وفتالمولوگيالىق حيرۋرگيانىڭ كۇردەلى تارماعى. وتانىڭ وسى ءتۇرى قازىر تەك استانا مەن الماتىدا جاسالادى. وسىعان بايلانىستى ناۋقاستار وتا جاساتۋ كەزەگىن بىرنەشە ايلاپ كۇتەدى. ءبىزدىڭ دارىگەرلەرىمىز وسىنداي وتا جاساۋدى مەڭگەرسە, وقو جانە وعان تاياۋ وڭىرلەردىڭ تۇرعىندارىنا دەر كەزىندە ساپالى وفتالمولوگيالىق كومەك كورسەتۋ مۇمكىندىگى تۋادى», - دەيدى دەنساۋلىق ساقتاۋ باسقارماسىنىڭ وكىلدەرى.
بۇدان تىس, وبلىستىق كلينيكالىق اۋرۋحانانىڭ قابىلداۋ بولىمىندە جاڭا 3ن جۇيەسى ەنگىزىلدى. جۇيەگە سايكەس, اۋرۋحاناعا كەلگەن ناۋقاستار قىزىل, سارى جانە جاسىل دەپ اتالاتىن ساناتتارعا ءبولىنىپ, ولارعا شۇعىل مەديتسينالىق كومەك كورسەتۋ ءتارتىبى بەلگىلەنىپ وتىرادى.
