«قازتسينك» كومپانياسىنىڭ ريددەردەگى بولىمشەسىنىڭ قىزمەتكەرلەرى وسى جاۋىنگەرلەر جەرلەنگەن مەموريالدىق كەشەندى جىل سايىن كۇتىمگە الىپ, جۇيەلى تۇردە اباتتاندىرۋ جۇمىستارىن جۇرگىزىپ وتىرادى. كاسىپورىن ەڭبەككەرلەرى 9 مامىر مەرەكەسىندە وندىرىستە جۇمىس ىستەگەن ارداگەرلەردى قۇتتىقتاپ, قۇرمەت كورسەتۋدى دە ەستەن شىعارمايدى. «بۇگىنگى بەيبىت كۇنىمىزگە سىزدەردىڭ سىڭىرگەن ەڭبەكتەرىڭىز زور. ەرلىكتەرىڭىز ارقاشان ەلدىڭ ەسىندە», - دەيدى وسكەمەندەگى مەتاللۋرگيالىق كەشەننىڭ كونترولەرى وكسانا كراسنوپولينا.
قازتسينكتىكتەر بيىل دا جىلداعىداي وبلىس ورتالىعىندا وتكەن «ماڭگىلىك پولك» اكتسياسىنا دا بەلسەندى قاتىستى. «9 مامىر – ەڭ قاستەرلى مەرەكەلەردىڭ ءبىرى. بەيبىتشىلىك پەن تىنىشتىقتىڭ قانشالىقتى قۇندى دۇنيە ەكەندىگىن وسى كۇنى ۇعىنىپ, سەزىنگەندەي بولاسىڭ. «ماڭگىلىك پولك» اكتسياسىن اكەلەرىمىز بەن اتالارىمىزعا دەگەن قۇرمەت, تاعزىم دەپ قابىلداعانىمىز ءجون. مايداندا قان توككەندەر مەن تىلدا تەر توككەندەردى ەشۋاقىتتا ۇمىتپاۋعا ءتيىسپىز. سوعىستان كەيىن ءبىزدىڭ كاسىپورىندا ەڭبەك ەتكەن قاريالاردى دا اركەز ساعىنىشپەن ەسكە الامىز», - دەيدى «قازتسينك» جشس اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ.
ازامات قاسىم,
«ەگەمەن قازاقستان»
وسكەمەن
