وبلىس بويىنشا ءبىر جىل ىشىندە جالپى قۇنى 10,2 ملرد. تەڭگەگە 117 جوبا ىسكە اسىرىلدى.
وڭىردەگى رۋحاني قۇندىلىقتاردى ناسيحاتتاۋ مەن ساقتاپ قالۋ ماقساتىندا ۇلكەن جۇمىس اتقارىلدى. مىسالى, «رۋحاني قازىنا» كىشى باعدارلاما شەڭبەرىندە رەسپۋبليكالىق جوبالار رەەسترىنە 97 الەۋمەتتىك-مادەني جانە ينفراقۇرىلىمدىق جوبالار ەندى. 2017 جىلى 298 ملن.تەڭگەگە 42 جوبا جۇزەگە استى. اعىمداعى جىلدا 56 جوبالار باستاما الدى.
وسى باعىتتاعى باستى ناتيجەلەردىڭ ءبىرى اقمولا وبلىسىنداعى 10 نىساننىڭ «100 كيەلى جەرلەر» رەسپۋبليكالىق تىزىمىنە ەنگىزىلگەنى بولىپ تابىلادى. (قۇماي ارحەولوگيالىق-ەتنوگرافيالىق كەشەنى, ابىلاي حان الاڭى, كەنەسارى ۇڭىگىرى, باتىعاي كەسەنەسى, وقجەتپەس تاۋى, قابانباي باتىر مازار-كەسەنەسى, «بەسپاقىر» جانە باۋبەك باتىر كەسەنەلەرى) بۇگىندە بۇل نىساندار جالپىۇلتتىق يگىلىك بولىپ تابىلادى.
QR كودتار - زاماناۋي تەحنولوگيالار كومەگىمەن كيەلى نىساندار تۋرالى اقپاراتتى تسيفرلاندىرۋ بويىنشا «ەسكەرتكىشتەر سىر شەرتەدى» اتتى جوبا ىسكە اسىرىلىپ جاتىر.
اتاپ وتسەك, بىرقاتار اۋداندارداعى مادەني نىسانداردا جەرلەس دەمەۋشىلەردىڭ قولداۋىمەن جوندەۋ جۇمىستارى جۇرگىزىلىپ, ماتەريالدى-تەحنيكالىق بازاسىن جاڭارتۋ جونىندەگى ماسەلەلەر شەشىلدى. جالپى, ءبىر جىل ىشىندە مەتسەناتتارمەن 150,8 ملن. تەڭگە كولەمىندە قولداۋ كورسەتىلدى.
وبلىس اۋماعىندا بوتاي مادەنيەتىن دامىتۋ جانە ناسيحاتتاۋ ماقساتىندا بۋراباي اۋدانىندا «ۆيزيت تسەنتر «بوتاي» ارحەولوگيالىق-ەتنوگرافيالىق كەشەنىنىڭ اشىق اسپان استىنداعى مۇراجايىن قۇرۋ جوسپارلانىپ وتىر.
«اتامەكەن» كىشى باعدارلاماسى اياسىندا اقمولا وبلىسىندا ءبىلىم, دەنساۋلىق ساقتاۋ, مادەنيەت, سپورت جانە كوممۋنالدىق شارۋاشىلىق سالالارىندا جالپى قۇنى 5,2 ملرد. تەڭگەنى قۇرايتىن 59 الەۋمەتتىك جوبالار ىسكە استى. 14 جاڭا الەۋمەتتىك نىساندار سالىندى.
قورعالجىن اۋدانىندا ەلىمىزدىڭ 80% استام قۇس تۇرلەرى ۇسىنىلعان. ءدال وسى جەردە رەسپۋبليكاداعى العاشقى ايماقتىق ورنيتولوگيالىق ورتالىق اشىلدى. بۇل جوبانى كاسىپكەر تۇسپەكوۆا قۇرالاي 53,5 ملن. تەڭگەگە تۇگەلدەي قارجىلاندىرعان جانە باستاماشىلىق ەتكەن. ماۋسىم ايىنان باستاپ العاشقى مەكتەپ ەكسپەديتسيالارى باستالادى. سونىمەن قاتار, وسى جىلى ورتالىق بازاسىندا جالپى قۇنى 25 ملن. تەڭگەگە زەرتحانانىڭ, ءتورت باقىلاۋ پۋنكتىلەرىنىڭ اشىلۋى, سپورتتىق ورنيتولوگيا فەستيۆالىن وتكىزۋ, كەشەندى عىلىمي-تانۋشىلىق ورنيتولوگيالىق ءىس-شارالاردى وتكىزۋ جوسپارلانىپ وتىر.
«قازاقستاندىقتاردى ءوز كىشى وتانىن سۇيۋگە, ششىققان تەگىن, مادەنيەتىن جانە حالقىنىڭ سالت-داستۇرلەرىن بىلۋگە شاقىراتىن «تۋعان جەر» ارنايى جوباسى اياسىندا قورعالجىن اۋدانىدا «بالتابەك» تۋريستىك كەشەنى اشىلدى. مۇندا تۋريستەرگە اتپەن سەرۋەندەۋگە جانە تازى مەن توبەت اسىل تۇقىمدى يتتەردىڭ سۇيەمەلدەۋىمەن اڭشىلىققا شىعۋ ۇسىنىلعان», - دەپ ءوڭىر باسشىسى اتاپ ءوتتى.
اعىمداعى جىلى تاعى دا 30 الەۋمەتتىك جوبالار باستاۋ الادى. مىسالى, تسەلينوگراد اۋدانىندا جەرگىلىكتى تۋمالاردىڭ باستاماشىلىعىمەن شامامەن 2 ملرد. تەڭگە كولەمىندە 2 جاڭا مەكتەپ پەن 2 بالاباقشانىڭ قۇرىلىسى ۇسىنىلدى.
«جالپى, اقمولا وبلىسىندا «رۋحاني جاڭعىرۋ» باعدارلاماسىن جۇزەگە اسىرۋ بويىنشا جۇيەلى جۇمىس قۇرىلدى. ءوڭىرىمىزدىڭ ءوز قۇندىلىقتارى, ەرەكشەلىكتەرى بار, ال ەڭ باستىسى رۋحاني قۇندىلىقتاردى قالىپتاستىرۋ ارقىلى پاتريوتيزم تانىتاتىن ادامدار بار», - دەپ وبلىس اكىمى قورىتىندىلادى.
