مينيستر ەرلان ساعاديەۆ ەسەپ بەرۋ كەزدەسۋىندە زالدا 800 جۋىق ادام بولدى, اتا-الار جانە پەداگوگيكالىق قاۋىم, ۇكىمەتتىك ەمەس ۇيىمدار, ءبىلىم سالاسى قىزمەتكەرلەرىنىڭ كاسىپتىك وداقتارىنىڭ وكىلدەرى مەن پەداگوگيكالىق ەڭبەك ارداگەرلەرى ءبىلىم بەرۋ سالاسىنىڭ وزەكتى ماسەلەلەرىن كوتەردى. بەينە كونفەرەنتسيالىق بايلانىس 5 ايماقپەن قامتاماسىز ەتىلدى. كەزدەسۋ Bnews اقپاراتتىق پورتالى, قر بعم «Facebook» الەۋمەتتىك جەلىسىندەگى رەسمي پاراقشاسى جانە «حابار-24» تەلەارناسى ارقىلى تىكەلەي ەفيردە كورسەتىلدى. حالىقتان كەلىپ تۇسەتىن قوسىمشا ساۋالدار ءۇشىن زال الدىندا حوللدا بارلىق سۇراقتار تىركەلىپ وتىرعان «مينيسترگە سۇراق قوي – زاداي ۆوپروس مينيسترۋ» اقپاراتتىق ۇستەلىنىڭ جۇمىسى ۇيىمداستىرىلدى.
ەسەپ بەرۋ كەزدەسۋىنىڭ قورىتىندىسىن حابارلاعان سوڭ, بعم باسشىسى وسى جىلدىڭ مامىر-ماۋسىم ايلارىندا وتەتىن بىرقاتار ءىس-شارالاردى جاريالادى. قر بعم باستاماسىمەن ءبىرىنشى رەت 2017 جىلى وتكىزىلگەن جالپى ۇلتتىق اتا-انالار جينالىسى وسى جىلى دا جاريالاندى. «سوڭعى ۋاقىتتا مەكتەپ پەداگوگتارى اتا-انالاردىڭ مەكتەپ ومىرىنە ءالسىز قاتىسۋىن ايتادى. اتا-انالار جينالىسىنا اتا-انالاردىڭ 10-20 پايىزى عانا قاتىسادى. وتكەن جىلى جالپى ۇلتتىق اتا-انالار جينالىسى كەڭ جاريالانىپ, مينيسترلىك جۇمىس بەرۋشىلەرگە اتا-انالاردى جۇمىستان ەرتەرەك جىبەرۋ ءوتىنىشىن بىلدىرگەندە مەكتەپ جينالىسىنا اتا-انالاردىڭ 80 پايىزى كەلدى» - دەدى ەرلان ساعاديەۆ. مينيستر اتا-انالاردى وسى جىلى دا بەلسەندىلىك تانىتۋعا شاقىردى. وسى جىلى جينالىس 15 مامىر حالىقارالىق وتباسى كۇنى وتەدى. ەرلان ساعاديەۆ 1 ماۋسىمدا وتەتىن شەرۋ تۋرالى دا ەسكە سالىپ كەتتى. قر بعم باستاماسى بويىنشا جانە جەرگىلىكتى اتقارۋشى ورگانداردىڭ قولداۋى ارقىلى 1 ماۋسىم حالىقارالىق بالالاردى قورعاۋ كۇنى رەسپۋبليكالىق بالالار جانە جاستاردىڭ مۋزىكالىق وركەسترلەرى مەن انسامبلدەرىنىڭ شەرۋى وتەدى. الدىڭعى جىلعا قاراعاندا, وسى جىلى شەرۋدى وتكىزۋ گەوگرافياسى كەڭەيتىلەدى. ەلىمىزدىڭ بارلىق ەلدى-مەكەندەرىندە, ءىرى-كىشى اۋىلداردىڭ جانە قالالاردىڭ ورتالىق كوشەلەرىنەن ءبىر ۋاقىتتا سالتاناتتى مارشپەن 500 مىڭنان استام وقۋشى, ولاردىڭ اتا-انالارى جانە پەداگوگتار وتەدى. شەرۋدىڭ دايىندىعىنا وقۋشىلار, مەكتەپ مۇعالىمدەرى, كوللەدجدەر مەن جوو وقىتۋشىلارى, اتا-انالار جانە مادەنيەت پەن سپورت وكىلدەرى بەلسەندى ات سالىسىپ جاتىر.
