جوعارى مارتەبەلى قوناقتارعا پاۆيلوننىڭ تاقىرىپتىق ەكسپوزيتسيالارىن, سونداي-اق, ەل ەكونوميكاسىنىڭ ءتۇرلى سالالارىن «تسيفرلاندىرۋىنا», جاڭا تەحنولوگيالار مەن ينۆەستيتسيالار تارتۋعا جانە جاڭارتىلعان ەنەرگيا كوزدەرىنە كوشۋگە ايتارلىقتاي ۇلەس قوسۋعا قابىلەتتى ەكسپو-2017 نىساندارىن كورمەدەن كەيىن پايدالانۋ تۇجىرىمداماسىمەن تانىستىردى.
قازىرگى تاڭدا كورمە اۋماعىندا احقو, «Astana Hub», حالىقارالىق جاسىل تەحنولوگيالار ورتالىعى, IT-ۋنيۆەرسيتەتى سياقتى اۋقىمدى جوبالار جۇزەگە اسىرىلۋدا.
ەۋروپارلامەنت دەپۋتاتتارىن كورمەگە كەلۋشىلەرمەن تىكەلەي قارىم- قاتىناستا بولاتىن ينتەراكتيۆتى ەكسپوناتتار ەرەكشە تاڭداندىردى.
ء«بىز قۋانىشتىمىز! مەنىڭ ويىمشا بۇل كورمەنى بارلىق ادام كەلىپ ءوز كوزدەرىمەن كورۋى قاجەت, سەبەبى «نۇر الەم» پاۆيلونى تەك ادەمىلىگىمەن عانا ەمەس, سونىمەن قاتار اقپاراتتىق تانىمدىلىعىمەن دە قىزىقتى. عارىش ەنەرگياسىنا ارنالعان قاباتتى ەرەكشە اتاپ وتكىم كەلەدى. پلانەتاري ماعان قاتتى اسەر ەتكەنى سونشالىقتى مەن ءسال كىدىرىپ, ءوز ارىپتەستەرىمنەن قالىپ تا قويدىم», - دەپ اتاپ ءوتتى ەۋروپارلامەنت دەپۋتاتى يواحيم تسەللەر.
قازىر ۇلتتىق كومپانيا ونىڭ مازمۇنىن جاڭارتۋ بويىنشا اۋقىمدى جۇمىستار جۇرگىزىپ جاتىر, مۇندا ءار ءتۇرلى ءبىلىم بەرۋ, تانىمدىق ءىس-شارالار جانە مەكتەپ وقۋشىلارى مەن ستۋدەنتتەرگە ارناپ «اشىق» ساباقتار وتكىزىلەدى.
«پاۆيلوننىڭ ءار قاباتىندا ۇلتتىق رۋح بايقالادى. مەنىڭ ويىمشا بۇل شەت ەلدىكتەر ءۇشىن دە, ەڭ كىشكەنتاي كورەرمەندەر ءۇشىن دە تانىمدىلىققا تولى قىزىق. سەبەبى, ءوز ۇلتىڭنىڭ مادەنيەتى مەن داستۇرلەرىن جاستايىنان ۇيرەتۋ قاجەت», - دەيدى يۆەتتا گريگۋلە حانىم.
ەكسكۋرسيا سوڭىندا ەۋروپارلامەنت دەلەگاتسياسى ۇلتتىق كومپانيانىڭ ەكسپو-2017 حالىقارالىق مامانداندىرىلعان كورمەسى مۇراسىن ءتيىمدى پايدالانۋ جانە دامىتۋ سالاسىنداعى قىزمەتىن جوعارى باعالادى.
