كەزدەسۋدىڭ باستى تاقىرىبى قوقىس شىعارۋ مەن وبلىس ورتالىعىن اباتتاندىرۋ ماسەلەلەرى بولدى. قوقىس شىعارۋ جۇمىستارىن جولعا قويۋ قاجەتتىلىگى - بۇگىندە بۇل كومپانيالار ءۇشىن ءبىرىنشى مىندەت.
- بۇگىن جانە ەرتەڭ ورتاق كۇش-جىگەرىمىزبەن قالانى تازالاۋ قاجەت, بىردە ءبىر قوقىس الاڭىندا قوقىس بولماۋى ءتيىس, - دەدى وبلىس باسشىسى.
قالا اكىمىنىڭ مىندەتىن اتقارۋشى قۋاندىق قاسىموۆ كەلىسىمگە سايكەس, قالا اكىمدىگى ءبىر اي مەرزىمدە مەردىگەر ۇيىمدارعا ماشينالارمەن, اتاپ ايتقاندا, قوقىس تاسۋشىلارمەن كومەكتەسەدى, ال بولاشاقتا كومپانيالار ءوز جۇمىستارىن ءتيىستى دەڭگەيدە ۇيىمداستىرۋى قاجەتتىگىن حابارلادى. ايتا كەتەيىك, ولارمەن جاسالعان كەلىسىم شارتتار بەس جىلعا جاسالعان.
وبلىس اكىمى قىزمەت كورسەتۋشى وبەكتىلەردىڭ سانى مەن قولداعى بار تەحنيكالار تۋرالى سۇرادى. ءبىر كومپانيا ورتا شامامەن 500 كونتەينەرلەرگە قىزمەت ەتەتىنى اتاپ ءوتىلدى. «كاماز» كولىگى 1 رەت قاتىناعاندا شامامەن 100-110 كونتەينەرلەردى اپارىپ تاستاي الادى.
ولاردىڭ اتىنان تۇرعىندار تاراپىنا دا ەسكەرتۋلەر ايتىلدى, اقتوبەلىكتەر قوقىس الاڭىنا ۇلكەن كولەمدى جيھاز جانە تەحنيكالىق جابدىقتاردى اكەلەدى, بۇل قىزمەت كورسەتۋشى كومپانيالارعا بىرقاتار قيىندىقتاردى تۋدىرادى. بۇل ماسەلەنى شەشۋ جەرگىلىكتى پوليتسيا قىزمەتىنە جۇكتەلدى.
وبلىس اكىمى مەردىگەرلەردى مۇقيات تىڭداپ, مەملەكەتتىك ورگاندارعا قولدانىستاعى زاڭناما اياسىندا كومپانيالارعا قولداۋ كورسەتۋگە ءتيىستى تاپسىرما بەردى.
تەمىر قۇسايىن,
"ەگەمەن قازاقستان"
