كەزدەسۋ بارىسىندا اۋعان ۇكىمەتىنىڭ جەتەكشىسى دوستاس جانە باۋىرلاس قازاقستاندىق تاراپقا, سونداي-اق جەكە پرەزيدەنت نۇرسۇلتان نازارباەۆقا ۇنەمى قولداۋى ءۇشىن العىسىن ءبىلدىردى. ول قازاقستان مەن اۋعانستاننىڭ ەكىجاقتى ىنتىماقتاستىعى ەكى ەلدىڭ پرەزيدەنتتەرى اراسىندا جانە ءتۇرلى حالىقارالىق فورۋمدار شەڭبەرىندەگى قر پرەمەر-ءمينيسترى باقىتجان ساعىنتاەۆپەن كەزدەسۋلەردىڭ جەمىستىلىگىنە سىلتەمە جاساي وتىرىپ, ۇكىمەتتەر دەڭگەيىندە قالىپتاسقان سەنىمدى قارىم-قاتىناستارىندا نەگىزدەلگەنىن اتاپ ءوتتى.
سونىمەن قاتار, ا.ابدۋللا اۋعانستان اۋماعىندا بەيبىتشىلىك پەن قاۋىپسىزدىكتىڭ قايتا ورنىعۋىنا باعىتتالعان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قازاقستاندىق باستامالاردىڭ زور ماڭىزدىلىعىن باسا ايتتى. ول 2018 جىلدىڭ قاڭتار ايىنداعى بۇۇ قك دەلەگاتسياسىنىڭ قابىل قالاسىنا ءىسساپارىنا توقتالىپ, جالپى قازاقستاننىڭ باسقا دا ۇسىنىستارى مەن باستامالارىن تولىقتاي قولدايتىندىعىن مالىمدەدى.
ءا.ەسەنگەلديەۆ ءوز تاراپىنان قازاقستاننىڭ اۋعاندىق رەتتەۋ بويىنشا بارلىق حالىقارالىق جانە وڭىرلىك, ونىڭ ىشىندە بۇۇ, يىۇ, شىۇ جانە تاعى باسقا حالىقارالىق فورۋمدار الاڭىنداعى قولداۋىن جالعاستىرۋعا نيەتتى ەكەندىگىن راستادى.
قازاقستاندىق ديپلومات جۇمىس ورىندارىنىڭ اشىلۋىنا جاعداي جاساۋدى, اۋىل شارۋاشىلىعىن, ونەركاسىپتى دامىتۋدى, پايدالى قازبالاردى ءوندىرۋدى رەتتەۋدى كوزدەيتىن ەكونوميكالىق دامۋ مەن قاۋىپسىزدىكتىڭ بايلانىستى بولۋىنىڭ ماڭىزدىلىعىن اتاپ ءوتتى.
سۇحباتتاستار ەلدەر اراسىنداعى ساۋدا-ەكونوميكالىق قاتىناستاردى ۇلعايتۋدىڭ وزەكتىلىگىمەن جانە اۋىل شارۋاشىلىعى, ونەركاسىپ جانە تاعى باسقا سالالاردى قوسا وتىرىپ, ەكىجاقتى ءوزارا قارىم-قاتىناستىڭ بار الەۋەتىن قولدانۋ قاجەتتىلىگىمەن كەلىستى.
