گايدار سارجانوۆتىڭ تۋا بىتكەن تالانتى, تۇلا بويىنا بىتكەن تاۋ قوپارارداي كۇشى, ونى ءارى قاراي دامىتا بىلگەن ءوزىنىڭ قاجىرلى ەڭبەگى – ونىڭ ءوزىن جالپاق جۇرتقا تانىمال ەتتى, ابىرويىن اسقاقتاتتى. ايتپەسە, ول كەزدە قازاقستاننىڭ 6 دۇركىن چەمپيونى, كسرو-نىڭ سپورت شەبەرى اتانۋ اركىمنىڭ باسىنا بۇيىرا بەرمەيتىن باق بولعان. قازىرگى كۇنمەن سالىستىرساق, رەسپۋبليكا چەمپيوناتىن التى رەت جەڭىپ الۋ, وداقتىڭ سپورت شەبەرى اتانۋ الەم چەمپيونى بولۋ دەگەنمەن بىردەي. ول كىسى جايىنداعى ماعلۇماتقا تولىعىراق كوزدەرىڭىز جەتە ءتۇسۋ ءۇشىن بەلگىلى اقىن, جۋرناليست ءابجان ءابىلتايدىڭ تاۋ تۇلعالى جەرلەسىمىز تۋرالى وسىدان ءبىراز جىل بۇرىن «تورعاي تاڭى» گازەتىنە جاريالانعان ء«بىزدىڭ گايدار» اتتى ماقالاسىنان ۇزىندىلەر كەلتىرە كەتسەك. «ونى بىلەتىندەر ءبىراۋىزدان ءبىزدىڭ گايدار دەيدى. ءبىزدىڭ گايدارىڭىز ءوزى ايتاتىنداي «قايىڭدى» قوي سوۆحوزىنىڭ بالاسى, ودان قالدى سوندا باتيقا دەگەن كەمپىر بار, سونىڭ بالاسى, ەلدىڭ ايتۋىنشا سەيتىكەن مەن ءمارتايدىڭ بالاسى, تاعى دا گايدارعا سالساڭ, قازىبەكتىڭ بالاسى. الاسى جوق, تالاسى… 8 كلاستا وقىپ ءجۇرىپ, سول كەزدىڭ وزىندە-اق اۋىل دۇكەنىنەن ەكى قاپ ۇندى قولتىعىنا قىستىرىپ جۇرە بەرەتىن قاسقا سول ەدى. قۇيتتايىنان متم-دا شاشىلىپ جاتقان دوڭگەلەكتەردى بىلىككە ءتىزىپ, كوككە كوتەردى, جەر يىسكەتتى. ءسويتىپ ءجۇرىپ, «بولار بالا بوعىنان» دەگەندەي (ونى 9 كلاستا-اق ماماندار بايقاعان), الماتىنىڭ دەنە شىنىقتىرۋ ينستيتۋتىنا قويدى دا كەتتى. ينستيتۋتتىڭ ءبىرىنشى كۋرسىندا وقىپ ءجۇرىپ سپورت شەبەرىنىڭ ءنورماتيۆىن ورىنداۋ اركىمنىڭ پەشەنەسىنە جازىلا بەرمەيدى. وسىنداي ولەرمەندەر قايدا قازىر؟
… گايدار سپورتتى ەڭ وسكەن شاعىندا, كەمەلىنە كەلىپ, ەندى-ەندى تاعى دا بىردەڭە ىستەرمىن دەپ تۇرعان كەزىندە تاستادى. ونى ويلاسا كوزىنە جاس ۇيىرىلەدى, كومەيىنە ءسوز كەپتەلەدى…گايداردىڭ ساحناعا (ارەناعا, پوموستقا) سوڭعى شىعۋى دا سول بولدى. الەمدىك رەكوردتى باسىنا كوتەرىپ تۇرىپ, تاستاپ جىبەردى. بار بولعانى از عانا ءسات. سوعان ونىڭ جۇرەگى شىداعانىمەن, بەلى مەن بىلەگى شىداي الماي قالدى-اۋ! سول جارىستا گايداردىڭ بۇلشىق ەتتەرى جىرتىلىپ كەتىپ, اۋرۋحاناعا ءتۇستى. سودان كەيىن دە سول پالەنى جالعاستىرۋعا بولاتىن ەدى, ارينە. ول ويتكەنى…», – دەپ جازعان ەكەن قالامگەر.
ەندى گايدار سارجانوۆتى ەسكە الۋعا ارنالعان ءتۋرنيردىڭ ناتيجەسىنە توقتالساق. وعان الماتىدان, قوستاناي قالاسى مەن قوستاناي اۋدانىنان, اۋليەكول, جارقايىڭ مەن اتباسار اۋداندارىنان ءزىل تەمىرشىلەر ارنايى كەلدى. ءتۋرنيردى گايدار سارجانوۆتىڭ قوبىلاندى ەسماعامبەتوۆ باستاعان تۋعان-تۋىستارى ۇيىمداستىردى. بۇل ىسكە ارقالىق بالالار مەن جاسوسپىرىمدەر سپورت مەكتەبىنىڭ ۇجىمى دا ءوز ۇلەستەرىن قوستى. باس تورەشى جانە ۇيىمداستىرۋشىلاردىڭ قاتارىندا جارىستىڭ جاقسى وتۋىنە اتالعان سپورت مەكتەبىنىڭ جاتتىقتىرۋشىسى كۇنتۋار جانكىشەۆ تە اتسالىستى.
تۋرنيردە 61 جاستاعى استانادان تۇرماعانبەت يمانباەۆ, ساپابەك سامەنوۆ, جارقايىڭنان 66 جاستاعى اسقار الكەشەۆ, ارقالىقتان 57 جاستاعى ايدار ەسماعانبەتوۆ جانە 56 جاستاعى كۇنتۋار جانكىشەۆ سەكىلدى ارداگەر سپورتشىلار دا ونەر كورسەتىپ, كورەرمەننىڭ ىقىلاسىنا بولەندى.
وسى جارىستا ەرلەر اراسىندا ارقالىقتان ەرنار ماقاتاي (34 كگ), الەكساندر ترينكو (38 كگ, اۋليەكول اۋدانى), شالقار سەرىك (42 كگ, ارقالىق), الەكسەي چۋركان (46 كگ, اۋليەكول), قاينار گايدار (50 كگ, الماتى), جاڭابەك قابيدوللا, (56 كگ, ارقالىق), نۇرداۋلەت ەركەنوۆ, (62 كگ, ارقالىق), ايان بايزاقوۆ, (69 كگ, ارقالىق) پەن ەربولات بالعاباەۆ (69+ كگ, ارقالىق) جەڭىمپاز اتاندى. ال قىزدار اراسىندا ارقالىقتىق لۋنارا سۇيىنعارينا (40 كگ) مەن ايگۇل بەيسەنوۆا (63 كگ) قۇرمەت تۇعىرىنىڭ ەڭ بيىك ساتىسىنا كوتەرىلدى. جەڭىمپازدار مەن ارداگەرلەرگە اقشالاي سىيلىقتار مەن ءتۋرنيردىڭ ارنايى دايىندالعان مەدالى تابىس ەتىلدى.
