جىل سايىن قاناتىن كەڭگە جايىپ بارا جاتقان «قازاقستان بارىسى» ءتۋرنيرىن تەمىرلان بالا كەزىندە اكەسىمەن بىرگە وتىرىپ, تەلەديداردان كورگەن ەكەن. بالا ەرتەڭىنە جاتتىقتىرۋشى مۇرات ەرمەنباەۆقا بارىپ, سامبو سەكتسياسىنا جازىلادى. ول العاشقى جاسوسپىرىمدەر جارىستارىندا جاقسى ناتيجەلەر كورسەتتى. سودان كەيىن-اق ونى جاتتىقتىرۋشىلار كوزدەن تاسا ەتكەن جوق. ول كوپتەگەن جارىستاردا جەڭىمپاز اتانىپ ءجۇر. ءساۋىر ايىندا جەزقازعاندا وتكەن اسكەري سامبودان رەسپۋبليكا چەمپيوناتىندا ءوز سالماق كاتەرگورياسىندا ءۇشىنشى ورىنعا قول جەتكىزدى.
«مەن ىرىكتەۋ تۋرنيرىنەن وتكەنىمە قۋانىشتىمىن. جارىستى 2011 جىلدان قاداعالاپ كورىپ كەلەمىن. «قازاقستان بارىسى» ەڭ مىقتى بالۋانداردىڭ باسىن قوسادى. «قازاقستان بارىسى» كىلەمىندە كۇرەسۋ ء ار بالۋان ءۇشىن ارمان عوي. مەن وسىعان جەتۋ ءۇشىن اۋىلداعى, اۋدانداعى , ودان وبلىستاعى كوپتەگەن جارىستاردا ءوزىمدى كورسەتە ءبىلدىم», دەدى تەمىرلان.
ول «قوستاناي قىرانى – 2018» تۋرنيرىندە «تۇيە بالۋان» راميل شارىگينمەن كۇرەستى. ەكەۋى دە «قازاقستان بارىسى – 2018» تۋرنيرىنە جولداما الدى.
ءنازيرا جارىمبەت
«ەگەمەن قازاقستان»
قوستاناي
