كەزدەسۋ بارىسىندا نۇرلان سماعۇلوۆ نۇرسۇلتان نازارباەۆقا اۆتوموبيل جاساۋ سالاسىنىڭ دامۋى مەن اۆتوموبيلدەردى ەكسپورتقا شىعارۋ جونىندە باياندادى.
«ساتىلعان اۆتوموبيلدەردىڭ كولەمى ارتىپ كەلە جاتقانى بايقالادى. اۆتوموبيل جاساۋ مەكەمەلەرىندە «ماز» كولىگىن قۇراستىرا باستادىق. الماتىداعى زاۋىت «Hyundai» ماشيناسىن بوياۋعا جانە دانەكەرلەۋگە تولىقتاي كوشتى. رەسەي فەدەراتسياسىنا 450 ءاۆتوموبيلدى ەكسپورتتادىق, تاجىكستانعا 300 «Hyundai County» اۆتوبۋسىن جاساپ, جونەلتۋ جونىندە كەلىسىمگە كەلدىك. مۇنداي وپەراتسيالاردى وزبەكستانمەن دە جۇزەگە اسىرامىز دەگەن ويدامىز. وسىلايشا, قازاقستان ءوندىرىس الاڭى رەتىندە ورتالىق ازيادا ماڭىزدى ءرول اتقارا باستادى», - دەپ قورىتىندىلادى كومپانيا باسشىسى.
كەزدەسۋ سوڭىندا نۇرسۇلتان نازارباەۆ نۇرلان سماعۇلوۆتى مەملەكەتتىك, وندىرىستىك, الەۋمەتتىك-مادەني جانە قوعامدىق قىزمەتتەگى ەرەكشە ەڭبەگى ءۇشىن ءىى دارەجەلى «بارىس» وردەنىمەن ماراپاتتادى.
