-تۇساۋكەسەرگە الماتىدان جازۋشىنىڭ جارى ءشامشابانۋ حامزاقىزى, ۇلى قانات, قىزى جانات, اقىن, حالىقارالىق «الاش» سىيلىعىنىڭ يەگەرى, «جۇلدىز» جۋرنالىنىڭ باس رەداكتورى عالىم جايلىباي, فيلولوگيا عىلىمدارىنىڭ كانديداتى, زەينوللاتانۋشى, «سۋلەيمەن دەميرەل» ۋنيۆەرسيتەتىنىڭ دوتسەنتى جولداسبەك مامبەتوۆتەر قاتىستى. جانە قر مادەنيەت قايراتكەرى, «زەينوللا سانىك» اتىنداعى مادەنيەت قورىنىڭ اتقارۋشى ديرەكتورى سەرىك قاليەۆ, جۋرناليست, «زەينوللا سانىك» اتىنداعى مادەنيەت قورىنىڭ قىزمەتكەرى جارقىن سالەن ۇلى سىندى تۇلعالارىمىز ارنايى كەلىپ, سەمەيلىك وقىرماندارمەن جۇزدەسۋدە,-دەدى اباي كىتاپحاناسى ديرەكتورىنىڭ ورىنباسارى گۇلميرا ايازباەۆا,-شارانى م.تولەباەۆ اتىنداعى مۋزىكالىق كوللەدجدىڭ ستۋدەنتتەرى اباي شىعارمالارىنان ادەبي-سازدى كومپوزيتسيانى ورىنداۋمەن اشقانى كوڭىلگە قونىمدى بولدى. قاتىسۋشىلار جازۋشىنىڭ ءومىرى مەن شىعارماشىلىعى تۋرالى دەرەكتى فيلمنەن ءۇزىندى تاماشالادى.
شارا بارىسىندا اقىن عالىم جايلىباي جازۋشى زەينوللا سانىك پەن جازۋشىنىڭ جارى ءشامشابانۋ حامزاقىزىنىڭ شىعارمالارىن جان-جاقتى تالداپ, وقىرماندارعا تانىستىردى. زەينوللاتانۋشى عالىم جولداسبەك مامبەتوۆ حالقىمىزدىڭ بار بولمىسىن, ادەت-عۇرىپ, سالت-ءداستۇر, دۇنيەتانىمى مەن رۋحاني الەمىن جان-جاقتى زەردەلەۋگە باعىت بەرەتىن قالامگەرلەردىڭ ۇلكەن ىزدەنىسپەن تۋدىرعان شىعارمالارى جايلى جازعان, بيىلعى جىلى الماتىدان «قازاق ۋنيۆەرسيتەتى» باسپاسىنان جارىق كورگەن «زەينوللا سانىكتىڭ شىعارماشىلىق مۇراسى» اتتى مونوگرافيالىق ەڭبەگىن سىيعا تارتتى.
شاكارىم اتىنداعى مەملەكەتتىك ۋنيۆەرسيتەتتىڭ وقىتۋشىلارى فيلولوگيا عىلىمدارىنىڭ دوكتورى, پروفەسسور اراپ ەسپەنبەتوۆ, ,پروفەسسور مۇحتاربەك كارىموۆ, قازاق فيلولوگيا فاكۋلتەتىنىڭ دەكانى, پروفەسسور ايبار قادىروۆ, م.قوزىباەۆ اتىنداعى تاريحي زەرتتەۋلەر عىلىمي ورتالىعىنىڭ جەتەكشى مامانى م.اسىلبەكوۆ, فيلوسوفيا جانە ساياساتتانۋ كافەدراسىنىڭ مەڭگەرۋشىسى, فيلوسوفيا عىلىمدارىنىڭ كانديداتى, پروفەسسور ماحمۇت تۇيەباەۆتار جازۋشى زەينوللا سانىك پەن جارى ءشامشابانۋ حامزاقىزىنىڭ شىعارمالارىن تالقىلاپ, قالامگەرلەردىڭ شىعارماشىلىق قىرىن اشا ءتۇستى. اتالمىش شارا سەمەي حالقى ءۇشىن اسا رۋحاني, ماڭىزدى شارا بولدى. شارا سوڭىندا كىتاپسۇيەر قاۋىمعا كىتاپتار سىيعا تارتىلدى.
راۋشان نۇعمانبەكوۆا,
سەمەي
سۋرەتتەر اۆتوردىكى
