جۇلدىزدى كۇننىڭ ءبىر كۇنى

جۋىردا استانا قالاسىنداعى №67 گيمنازيادا مەكتەپ كىتاپحاناشىلارىنىڭ ۇيىم­داس­تىرۋىمەن تاۋەلسىزدىگىمىزدىڭ 20 جىل­دى­عىنا ارنالعان ءبىر تاماشا كەش بولىپ ءوتتى. وعان ل.ن. گۋميلەۆ اتىنداعى ەۋرازيا ۇلت­تىق ۋنيۆەرسيتەتى فيلولوگيا فاكۋلتەتىنىڭ قازاق ءتىلى مەن ادەبيەتى كافەدراسىنىڭ ءبىر توپ عالىمدارى ارنايى شاقىرىلدى. كەشتىڭ تاقىرىبى «مەملەكەت تاۋەلسىزدىگى – قازاق حالقى­نىڭ عاسىرلار بويى اڭساعان ارمانى» دەپ اتالعاندىقتان, بۇل باسقوسۋدا قازاقستان تاۋەل­سىزدىگىنىڭ تاريحي تاعىلىمدارى تۋرالى كافەدرا مەڭگەرۋشىسى فيلولوگيا عىلىمدارىنىڭ دوك­تورى, پروفەسسور ب.ەردەنبەكوۆ مەكتەپ وقۋشىلارىنا تاماشا اڭگىمەنىڭ جەلىسىن تارقاتتى. ول سوزىندە وسىدان 20 جىل بۇرىنعى قازاق ەلىنىڭ جاي-كۇيى مەن بۇگىنگى كوركەيگەن قازاقستاننىڭ الەمدىك ارەناداعى الاتىن ورنى جانە تاۋەلسىزدىك اتتى ءتاڭىر سىيىنىڭ قاسيەتى جايلى تەرەڭ­نەن ماعلۇمات بەردى. كەش ەكى بولىمنەن تۇردى. ونىڭ العاشقى بولىمىندە تاۋەل­سىزدىك جولىنداعى قازاق مەم­لە­كەتىنىڭ باستان كەشكەن سان-الۋان قاسىرەتتەرى جايلى تۇسىرىلگەن سلايد كورسەتىلدى. تاريحي وقي­عالاردىڭ جەلىسىنە كىتاپحاناشى ف.بەردىباي قىسقاشا تۇسىنىك بەرىپ وتىردى. كەشەگى اقتابان شۇبىرىندى, القاكول سۇلاما, 1931-32 جىلدارداعى اشارشى­لىق, قازاق زيالىلارىنىڭ با­سى­نا قارا تۇنەك ورناتقان قىزىل قىر­عىن مەن 1986 جىلعى جەل­توقسان وقيعاسى وقۋشىلارعا ءۇل­كەن وي سالدى. ال كىتاپحانا مەڭگەرۋشىسى ءا.سەيسەنبينا كەشتىڭ ەكىنشى ءبو­لىمىندە مەكتەپ وقۋشىلارى مەن عالىمدار اراسىندا سىر-سۇحبات ۇيىمداستىرىپ, كەشتىڭ اسەرل­ى­لىگىن ارتتىردى. بۇل كەشتە تەك عالىمدار عانا ەمەس, 9-10-11- سى­نىپتاردىڭ وقۋشىلارى دا ءوز ويلارىن ورتاعا سالىپ, «ءتاۋ­ەلسىزدىك بىزگە نە بەردى؟» دەگەن ساۋال توڭىرەگىندەگى ءوز تۇجىرىم­دارىمەن ءبولىستى. فيلولوگيا عىلىمدارىنىڭ دوكتورى, پروفەسسور ر.تۇرىس­بەك­تىڭ تاريح تۇجىرىمدارىمەن بايلانىستىرىلا ايتىلعان سىر-سۇحباتى بۇگىنگى مەكتەپ پار­تا­سىنداعى وقۋشىلارىمىزدىڭ ۇلت رۋحىن باعالاپ, پاتريوتتىق سەزىمدەرىن وياتۋعا ىقپال ەتتى دەۋگە ابدەن بولادى. وسى ويدىڭ سا­باقتاستىعى مۇنان ءارى ءسوز كەزەگىن العان عالىمدار ا.ءاب­دى­را­زاق­قىزى مەن گ. ەرجانقى­زى­نىڭ ورنەكتى دە وزەكتى اڭگىمەلە­رىندە جالعاسىپ جاتتى. ءبىر سوزبەن ايتقاندا, بۇل كەش­تىڭ گيمنازيا وقۋشىلارى ءۇشىن پايداسى زور بولدى. كەزدەسۋگە اتا-انالاردىڭ وكىلدەرى دە شاقىرىلدى. ال, وسى گيمنازيادا جۇمىس جاساپ جۇرگەن ءتاۋ­ەلسىزدىكتىڭ قۇرداستارى د.ار­ىن­عازينا مەن گ.پازىلوۆا سياقتى جاس ماماندارعا بۇل كەشتە ەرەكشە قۇرمەت كورسەتىلدى. كەشكە قاتىسۋشىلار كىتاپحاناعا قو­ي­ىلعان «كەلبەتىڭە ريزامىن, تۋ­عان ەلىم!» اتتى كىتاپ كورمە­سى­مەن تانىستى. 9-سىنىپ وقۋشىلارى فەرۋزا ماركس پەن ينديرا ىدىرىس كەش قوناقتارىنىڭ قۇرمەتىنە «ءتاۋ­ەلسىز قازاقستان» اتتى اندەرىن تارتۋ ەتتى. سوڭىنان گيمنازيا­نىڭ ديرەكتورى گ.سادىقوۆا كەش قو­ناقتارىنا ريزالىق سەزىمىن ءبىلدىرىپ, ەسكەرتكىش سىيلىقتار ۇسىن­دى. بۇل تاۋەلسىزدىكتىڭ 20 جىل­دى­عىنا ارنالعان 20 كۇننىڭ ءبىر كۇنى عانا بولاتىن. مۇنداي ما­ڭىز­دى كەشتەر ءارى قاراي جال­عا­سا بەرەدى. ارنا ابسەيىتتەگى, № 67 گيمنازيانىڭ 11-سىنىپ وقۋشىسى.