سۋرەتتى تۇسىرگەن ماقسات ايتباي
سوعىس ءورتىن كورگەن اتالارعا تاعزىم جاساۋ – جاس ۇرپاق پارىزى. 9 مامىر مەرەكەسى كۇنى جەرگىلىكتى بيۋدجەت ەسەبىنەن وڭىردە تۇراتىن سوعىس ارداگەرلەرىنە 150 مىڭ تەڭگە كولەمىندە سىياقى مەن 10 مىڭ تەڭگەگە ازىق-ت ۇلىك جيىنتىعى بەرىلمەك.
ىشكى ساياسات باسقارماسىنىڭ باسشىسى ەرنۇر داۋەنوۆتىڭ ايتۋىنشا, وڭىردە ۇلى وتان سوعىسىنىڭ 104 ارداگەرى بار. وتكەن اپتادا عانا ءى, ءىى دارەجەلى «داڭق» وردەنىنىڭ جانە «ەرلىگى ءۇشىن» مەدالىنىڭ يەگەرى بۇحاريدەن سەرمۇحامبەت ۇلى 109 جاسىندا ومىردەن وزدى.
ال وبلىس ورتالىعىندا تۇراتىن مايدانگەر عابدوللا بەيسەنباەۆ قازىر 100 جاسقا كەلدى. سوعىس ءورتىن كورگەن اتالارعا تاعزىم جاساپ, اۋدان, قالالار كوشەلەرىنە 70-تەن استام ارداگەردىڭ پورترەتتەرى ءىلىندى. قازاقستاندىق جەڭىس لەنتاسى جاسالدى. ايماقتىق تەلەارنالاردان ىشكى ساياسات باسقارماسى ازىرلەگەن كەڭەس وداعىنىڭ باتىرى اتاعىن العان 23 پاۆلودارلىق تۋرالى بەينەروليكتەر كورسەتىلەدى. ىزدەستىرۋ جاساقتارىنىڭ باستاماسىمەن كوكتەمگى ەسكە الۋ شارالارى وتۋدە. 27 ساۋىردە «باتىرلار جولىمەن – دوروگوي سلاۆى» جوباسى شەڭبەرىندە وبلىس دەلەگاتسياسى ۆولگوگراد وبلىسى «ماماەۆ قورعانى» اۋماعىندا ستالينگراد ءۇشىن شايقاسقان قازاقستاندىقتارعا ارنالعان ەسكەرتكىشتىڭ اشىلۋىنا اتتاندى.
«سلاۆيان» ەتنومادەني بىرلەستىگىنىڭ ءتورايىمى تاتيانا كۋزينانىڭ ايتۋىنشا, دوستىق ۇيىندە ۆيكتور بوچينگە تاپسىرىلعان ماراپات ەرەكشە بولدى. سوعىسقا قاتىسقان كوپتەگەن مايدانگەرلەر وزدەرىنە بەرىلگەن ماراپاتتاردىڭ بار ەكەنىن بىلە الماي دا كەتكەنىن ەسكەرە سويلەسەك, سوعىستا تاعايىندالعان بۇل ناگرادالاردىڭ بۇيرىقتارى ارحيۆتەردە ساقتالۋدا. بۇگىنگى كۇنى مايدانعا اتتانعانداردىڭ ۇرپاقتارى ءۇشىن وسى ناگرادالاردىڭ كۋالىكتەرىنىڭ كوشىرمەلەرىن جاساۋ مۇمكىندىگى تۋدى. تالاي جىلدان سوڭ مايدانگەر زاحار ءبوچيننىڭ ءۇشىنشى دارەجەلى «داڭق» وردەنى مەن كۋالىگى ونىڭ ۇلى ۆيكتور بوچينگە تابىس ەتىلدى. ماراپاتتاۋ راسىمىنە رەسەيدىڭ وسكەمەندەگى باس كونسۋلدىعىنىڭ اتتاشەسى دانيل لاپاچ قاتىستى. ال ۆ.ءبوچيننىڭ اكەسىنىڭ ناگراداسى بار ەكەندىگى «پودۆيگ نارودا» سايتى ارقىلى انىقتالىپتى.
– لەنينگرادتاعى اۋىلشارۋاشىلىق ينستيتۋتىن بىتىرگەن مەنىڭ اكەم پاۆلودار وبلىسىنا كوشىپ كەلەدى. ول كىسى 1943 جىلى مايدانعا اتتانعان كەزدە ۇيدە 3 بالا قالدىق. اكەم سوعىستان ورالعان سوڭ, تاعى دا 6 بالاسى دۇنيەگە كەلدى. كوپ جىلدار پاۆلودار وڭىرىندە زووتەحنيك بولىپ ەڭبەك ەتتى. 1979 جىلى قايتىس بولدى. بۇگىنگى كۇن ءبىزدىڭ اۋلەت ءۇشىن ەرەكشە كۇن! – دەيدى ۆيكتور زاحاروۆيچ.
فاريدا بىقاي,
«ەگەمەن قازاقستان»
پاۆلودار
