تاۋەلسىزدىكپەن قۇرداس مەكتەپ ۇيىمداستىرعان تاعىلىمدى شارا

«ۇستازدىق ەتكەن جالىقپاس, ۇيرەتۋدەن بالاعا» دەپ ۇلى اباي ايتقانداي, بۇگىنگى ۇستازدار ۇنەمى ءوز بىلىمدەرىن جەتىلدىرىپ وتىرۋعا, جاڭا تەحنولوگيالاردى يگەرۋگە ءمىن­دەتتى. ويتكەنى, زامان تالا­بى­نا ساي, باسەكەگە قابىلەتتى وقۋشى­لار تاربيەلەپ شىعارۋ تەك كاسىبي بىلىگى جوعارى ۇستازدار قولىنان عانا كەلەتىن ءىس ەكەنى حاق. بۇگىنگى كۇنى عىلىم مەن بىلىمگە قويىلار تالاپ ارتىپ, ۇستازعا جۇك­تەلەر مىندەت ەسەلەنۋدە. سون­دىق­تان ۇستازدار قاۋىمىنىڭ دا قاراپ قالار رەتى جوق. سونىڭ اي­قىن ءدا­لە­لەلى – ۇستازداردىڭ ۇس­تا­زى ۇل­جالعاس ەسنازاروۆانىڭ ەڭ­بە­گى. ول – قازاقستاننىڭ ەڭبەك ءسى­ڭىر­گەن قاي­­رات­كەرى, پەداگوگيكا عى­لىم­دا­رى­­­­­نىڭ دوكتورى, پروفەسسور, گەو­گرا­فيالىق اتاۋلى مەكتەپ جەتەكشىسى. بۇگىندە اتاۋلى مەكتەپ 20 جىل­دىق بەلەستەن اتتادى. بۇل مەرەيتوي ەلىمىز تاۋەلسىزدىگىنىڭ 20 جىلدىعىمەن تۇسپا-تۇس كەلدى. وسى جىلدار ىشىندە مەكتەپتىڭ ۇيىمداستىرۋىمەن كوپتەگەن سەمينارلار ءوتىپ, ەلىمىزدىڭ تابيعاتى تاماشا جەرلەرىنە ساياحات جاسا­لىپ, وقۋشىلارعا ارنالعان وندا­عان كىتاپتار جارىق كوردى. وسىدان شامالى ۋاقىت بۇرىن «تۋعان جەر گەوگرافياسى جانە مەكتەپتەگى ءول­كەتانۋ جۇمىسىن ۇيىمداستى­رۋ­دىڭ عىلىمي نەگىزدەرى» تاقىرى­بىن­دا ماڭعىستاۋ وبلىسىنىڭ ور­تا­لىعى – اقتاۋ قالاسىنداعى ماڭعىستاۋ ءبىلىم بەرۋ ۇيىمدارى قىزمەتكەرلەرىنىڭ بىلىكتىلىگىن ارت­تىرۋ ينستيتۋتىندا رەسپۋبليكا­لىق عىلىمي-ادىستەمەلىك سەمينار ءوتتى. سەمينار اتاۋلى مەكتەپتىڭ جەتەكشىلىگىمەن جۇزەگە استى. ءوڭىر­دىڭ تابيعاتى ەرەكشە جەرلەرىنە ساياحات جاسالىپ, جەر بەتىنەن 132 مەتر تومەن جاتقان قاراقيا ويىسىندا بولۋدىڭ ءساتى ءتۇستى. وسى جولعى سەمينارعا رەسپۋب­ليكامىزدىڭ تۇكپىر-تۇكپىرىنەن اتاۋ­لى مەكتەپ مۇشەلەرى, جالپى سانى 40 ۇستاز قاتىستى. قالا­مىز­داعى 100 جىلدىق تاريحى بار جامبىل جاباەۆ اتىنداعى №4 مەك­تەپ-گيمنازياسىنىڭ ديرەك­تو­رى بازاركۇل سىزدىقوۆا دا اقتاۋ­عا استانادان ارنايى بارعان ءبىر توپ ۇستازدىڭ قاتارىن تولىق­تىر­دى. ال ۇستازدار سەمينار بارى­سىن­دا ارىپتەستەرىمەن ءوز ءىس-ءتاجى­ري­بەلەرىن ءبولىستى. جالپى, اقتاۋدا وتكەن سەمي­نار­دىڭ ۇيرەتەرى كوپ, بەرەر تاعى­لىمى مول بولدى. رەسپۋبليكالىق عىلىمي-ادىستەمەلىك جۇمىستار ماندىلىگىمەن ەستە قالدى. جانسۇلۋ بازارباەۆا, №4 مەكتەپ-گيمنازيانىڭ گەوگرافيا پانىنەن جوعارى ساناتتى مۇعالىمى. استانا.