اپپارات وتىرىسىندا ەكسپورتتىق ساياسات جانە ەكسپورتتاۋشىلاردى قولداۋ تۋرالى ماڭعىستاۋ وبلىستىق يندۋستريالىق-يننوۆاتسيالىق دامۋ باسقارماسى باسشىسىنىڭ مىندەتىن اتقارۋشى تالعات ابدىقادىروۆ باياندادى.
ماڭعىستاۋ وبلىسى ەكسپورتتىق-يمپورتتىق وپەراتسيالاردى الەمنىڭ 89 ەلىمەن جۇزەگە اسىرادى, ونىڭ ىشىندە ەكسپورتتىق وپەراتسيالاردى 37 ەلمەن, يمپورتتىق وپەراتسيالاردى 86 ەلمەن قارىم قاتىناس جاسايدى (يمپورتتى ارمەنيا, اۋعانستان جانە تۋنيس ەلدەرىمەن جۇزەگە اسىرادى).
2017 جىلى ماڭعىستاۋ وبلىسىنىڭ تاۋار اينالىمى 4 556,6 ملن. اقش دوللارىن قۇرادى, بۇل وتكەن جىلمەن سالىستىرعاندا 18,2% وسكەن. سىرتقى ساۋدا تەڭگەرىمىنىڭ وڭ سالدوسى 4 006,6 ملن. اقش دولل. قۇرادى. سونداي-اق, 2018 جىلعا قاراي ايماق بويىنشا تاۋارلار ەكسپورتى 28,7 ملن. اقش دوللارىن قۇرايدى دەپ كۇتىلۋدە.
ايماقتاعى ەكسپورتقا باعدارلانعان كاسىپورىندارعا قولداۋ كورسەتۋ ءۇشىن بىرقاتار ءىس-شارالار جۇرگىزىلدى. 2017 جىلى اق "قازازوت", "ەكسپورتتاۋشى-2020" جەلىسى بويىنشا جالپى سوماسى 6,0 ملرد. تەڭگە جەڭىلدىكپەن كرەديت بەرىلدى (9,0%). استىق تەرمينالى "اق-بيداي" "ەكسپورتتاۋشى-2020" باعدارلاماسى اياسىندا "شەتەلدەگى ينۆەستيتسيالاردى ساقتاندىرۋ " قۇرالىن پايدالاندى. "ونىمدىلىك 2020 "باعدارلاماسى شەڭبەرىندە" "قازازوت" جشس يندۋستريالىق-يننوۆاتسيالىق جوبانى ازىرلەۋگە جانە ساراپتاۋعا ارنالعان جوسپارىن جاساقتاۋعا جۇمسالعان 3 ملن. تەڭگە شىعىنىن مەملەكەت وتەدى. "ونىمدىلىك 2020 "باعدارلاماسى شەڭبەرىندە" او "Arcellor Mittal Products Aktau" اق قۇزىرەتتىلىگىن ارتتىرۋعا جۇمسالعان 14 ملن. تەڭگە شىعىندارىن مەملەكەت وتەدى.
تۇتىنۋشىلاردىڭ قۇقىقتارىن قورعاۋ ماسەلەلەرى تۋرالى ماڭعىستاۋ وبلىسى بويىنشا تابيعي مونوپوليانى رەتتەۋ جانە باسەكەلەستىكتى قورعاۋ دەپارتامەنتىنىڭ باسشىسى سەرجان سيحىمبەك ۇلى مالىمدەدى. اعىمداعى جىلدىڭ 1 قاڭتار ايىنان باستاپ تۇتىنۋشىلاردىڭ قۇقىقتارىن قورعاۋ سالاسىندا 50 ءوتىنىش ءتۇستى. كوبىنەسە تۇتىنۋشىلار قۇقىقتارىنىڭ بۇزىلۋى ساپاسىز تاۋار ساتىپ الۋمەن, ساپالى قىزمەت كورسەتىلۋمەن بايلانىستى بولادى. وبلىس تۇرعىندارى كوبىنەسە ساپاسىز تاۋاردى قايتارىپ بەرۋ, جيھازعا تاپسىرىس بەرگەندە ساپاسىز قىزمەت ءتۇرىن الۋ سياقتى ماسەلەلەرمەن كەزدەسەدى.
ترانسپورت پەن لوگيستيكانى تسيفرلاندىرۋ تۋرالى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ءالىبي كوشەرباەۆ بايانداما جاسادى.
قازىرگى ۋاقىتتا ماڭعىستاۋ وبلىسىنىڭ اۋماعىندا اۋە, تەمىرجول, تەڭىز جانە جولاۋشىلار تاسىمالى جۇمىسىندا تسيفرلاندىرۋ باعدارلاماسى قولدانىلادى. اۆتوبۋس پاركىن جاڭارتقاننان كەيىن, جولاۋشىلار تاسىمالى مەن ەلەكتروندىق بيلەتتەردى باقىلاۋ جۇيەسى - «InfoBus» ءموبيلدى قوسىمشاسى ىسكە قوسىلادى. بۇل جۇيە كولىك قۇرالدارىنىڭ قوزعالىسىن, ونىڭ بەلگىلەنگەن باعداردان اۋىتقۋىن, كورسەتىلگەن باقىلاۋ نۇكتەلەرىنىڭ ناقتى كەلۋىن, توقتاۋ ۋاقىتىن جانە ساپار ۋاقىتىن قاداعالاۋعا مۇمكىندىك بەرمەك.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
