ولار ءبىر اپتا بويى «بايقوڭىر» عارىش كەشەنىندە جۇمىس ىستەگەن.
«Proxima» جۇمىس اتاۋى بەرىلگەن فيلمگە «Casino Royale» كينوسىنداعى رولدەرى ارقىلى تانىمال بولعان فرانتسۋز اكتريساسى ەۆا گرين, سونداي-اق ونىڭ امەريكالىق ارىپتەسى مەتت ديللون ءتۇسىپ جاتىر.
رەجيسسەر ەليس ۆينوكۋردىڭ جاڭا كارتيناسى عارىشكەرلەرگە ارنالادى. ەۆا گرين عارىشكەر ايەلدىڭ ءرولىن وينايدى.
نەگىزىنەن, ءفيلمنىڭ ءتۇسىرىلىمى ماسكەۋ ماڭىنداعى زۆەزدنىي قالاشىعىندا وتكەن. وقيعا جەلىسى بويىنشا فيلم كەيىپكەرى ول جەردە ۇشۋعا دايىندىق جۇمىستارىن جۇرگىزىپ, كىشكەنتاي قىزىمەن ۇزاق ۋاقىتقا ايىرىلىسۋعا ءوزىن-ءوزى ىشتەي دايىندايدى.
ستسەناري اۆتورلارى فيلمدە ءوز ومىرىنەن دە ماڭىزدى ماقسات ءۇشىن قورقىنىش پەن اۋرۋدى جەڭۋ تۋرالى وقيعا بولاتىنىن ايتادى.
باقتيار تايجان,
«ەگەمەن قازاقستان»
