وندا «جەكە تۇلعالاردىڭ بانكروتتىق ماسەلەلەرى» تاقىرىبى توڭىرەگىندە ماڭىزدى ماسەلەلەر قارالدى. اتالعان تاقىرىپ بويىنشا جينالعاندار الدىندا بايانداما جاساعان قارجى ءمينيسترىنىڭ ورىنباسارى قانات باەدىلوۆ ازاماتتاردىڭ بورىشتىق مىندەتتەمەلەرىن رەتتەۋ ماسەلەسىنە توقتالدى. ول وسى باعىتتا ازىرلەنگەن زاڭنامالىق قۇجاتتاردىڭ ەرەكشەلىكتەرىن جەتكىزدى. اسىرەسە بورىشكەرگە بانكروتتىقتى قولدانۋعا جاتاتىن جاعدايلار تۋرالى كەڭىنەن بايانداپ, بۇل ءراسىمدى پايدالانا المايتىن تۇلعالار تۋراسىندا ءسوز ەتتى.
قوسىمشا بايانداما جاساعان ءماجىلىس دەپۋتاتى امانجان جامالوۆ زاڭ جوباسىندا قايتا قاراۋدى قاجەت ەتەتىن بىرقاتار نورمالاردى اتاپ ءوتتى. ال ءماجىلىس دەپۋتاتى, «نۇر وتان» پارتياسى فراكتسياسىنىڭ ەكونوميكالىق ساياسات جونىندەگى كەڭەسىنىڭ توراعاسى بەيبىت مامراەۆ وتىرىستى قورىتىندىلاي كەلە, زاڭ جوباسى بويىنشا جۇمىستا ەڭ باستى مىندەتتەردىڭ ءبىرى ازاماتتاردىڭ قارجىلىق جاعدايىن جاقسارتۋعا ىقپال ەتەتىن تەتىكتەردى دامىتۋ ەكەندىگىن ايتتى. سونىمەن بىرگە قارىز الۋشىنىڭ تولەم قابىلەتتىلىگىن قالپىنا كەلتىرۋ پروتسەسىنە قاتىسۋشىلاردىڭ بارلىق مۇددەلەرىن ەسكەرە وتىرىپ, وسى تەتىكتەرگە بالانستى قامتاماسىز ەتۋ قاجەتتىگىنە توقتالدى.
كەڭەس وتىرىسىنا مەملەكەتتىك ورگانداردىڭ, ۇلتتىق بانكتىڭ, «اتامەكەن» ۇلتتىق كاسىپكەرلەر پالاتاسىنىڭ جانە قوعامدىق بىرلەستىكتەردىڭ وكىلدەرى قاتىستى.
