شىنبولات دىلدەباەۆ اتىنداعى مادەنيەت سارايىنىڭ زالىندا ەرەكشە قاجەتتىلىكتەرى بار بالالار مەن ولاردىڭ اتا-انالارىنىڭ شىعارماشىلىق جۇمىستارى ارنايى ۇيىمداستىرىلعان كورمەگە قويىلدى. شارا بارىسىندا بۇل جۇمىستار ساتىلىمعا شىعارىلىپ, كوبى ءوز يەلەرىن تاپتى.
جالپى, ەرەكشە قاجەتتىلىكتەرى بار بالالار وتە قايسار جانە شىدامدى بولىپ كەلەدى. تاعدىردىڭ اۋىر سىنىنا ۇشىراعان بۇل بالاقايلاردىڭ ومىرگە دەگەن قۇشتارلىعى ادامدى ەرىكسىز ءتانتى ەتەدى. ولار ءتۇرلى قيىندىقتارعا قاراماستان, بي بيلەپ, ءان ايتىپ, سۋرەت تە سالادى.
ءىس-شارا بارىسىندا ەرەكشە قاجەتتىلىكتەرى بار 45 بالاعا 50 مىڭ تەڭگەدەن ارنايى سەرتيفيكاتتار تابىس ەتىلدى. ال امانتاي ەرجانعا ەكى بولمەلى پاتەردىڭ كىلتى بەرىلدى. ماراپاتتاۋ راسىمىنەن كەيىن بالالار ءوز ونەرلەرىن كورسەتىپ, جۇرتشىلىققا تاماشا كوڭىل كۇي سىيلادى. بالالاردىڭ ساxناعا ءار شىعۋىن كورەرمەندەر ەرەكشە ريزاشىلىقپەن قارسى الدى.
اتالعان قايىرىمدىلىق اكتسياسىنا قاراعاندى وبلىسى اكىمى اپپاراتى «قوعامدىق كەلىسىم» كمم ديرەكتورى ەرلان قۇسايىن, «نۇر وتان» پارتياسىنىڭ قاراعاندى وبلىستىق فيليالى توراعاسىنىڭ ءبىرىنشى ورىنباسارى قاديشا وسپانوۆا جانە قاراعاندى وبلىستىق قحا جانىنداعى قايىرىمدىلىق جاساۋشىلار مەن تالىمگەرلەر كلۋبىنىڭ توراعاسى سەرگەي ۆودكو قاتىستى.
قايرات ءابىلدا,
«ەگەمەن قازاقستان»
قاراعاندى وبلىسى,
ساتباەۆ قالاسى
