جوسپارلانعان مەجەگە جەتۋ ماقساتىندا جالپى قۇنى 347 ملن. تەڭگەنى قۇرايتىن "جايلاۋ" ەمدەۋ-ساۋىقتىرۋ ورتالىعى سالىنادى. سىيىمدىلىعى 100 ورىندىق ورتالىقتا 50 جۇمىس ورنى اشىلىپ, 2000 تۋريست قامتىلماق. سونداي-اق, «ساۋمالمەن ەمدەۋ ورتالىعى» قىزمەت كورسەتەتىن بولادى. اقسۋ وزەنى شاتقالىندا, ياعني ء يىرسۋ ەلدى مەكەنىنە 8 شاقىرىم جەردە تەڭىز دەڭگەيىنەن 1500 مەتر بيىكتىكتە ورنالاسقان جەردە تابيعاتتى تاماشالاۋ الاڭى قۇرىلماق. جوبالاردى 2019 جىلى ىسكە قوسۋ جوسپارلانىپ وتىر.
وقو وڭىرلىك كوممۋنيكاتسيالار قىزمەتىندە وتكەن بريفينگتە وسىنداي جوبالاردى جاريا ەتكەن تۇلكىباس اۋدانىنىڭ اكىمى نۇربول تۇراشبەكوۆ بيىل جالپى وڭىرلىك ءونىم مەجەسىن 70 ملرد. تەڭگەگە جەتكىزۋ جوسپارلانىپ وتىرعانىن ءمالىم ەتتى. «اۋدانعا بىلتىر 18 ملرد. 206 ملن. 500 مىڭ تەڭگە ينۆەستيتسيا تارتىلسا, ونەركاسىپ كاسىپورىندارى 22 ملرد. 682 ملن. 671 مىڭ. تەڭگەنىڭ ءونىمىن وندىرگەن. اۋدان بويىنشا بەلسەندى شاعىن كاسىپكەرلىك سۋبەكتىلەردىڭ سانى 6310 بىرلىككە جەتىپ, وندىرىلگەن ءونىم كولەمى 34,2 ملرد. تەڭگەنى قۇرادى. ال سالىق تولەمدەرى 272,6 ملن. تەڭگەگە جەتىپ, 2,7 پايىزعا ارتتى», - دەدى ن.تۇراشبەكوۆ.
سونداي-اق, اۋداندا «ۇدەمەلى يندۋستريالدى-يننوۆاتسيالىق دامۋ» باعدارلاماسى اياسىندا «وڭىرلەر كاسىپكەرلىگىن قولداۋ كارتاسىنا» قۇنى 99,4 ملرد. تەڭگەلىك 10 جوبا ەنگەن. بۇگىنگى تاڭدا قۇنى 1,2 ملرد. تەڭگەلىك 3 جوبا جۇزەگە اسقان. 2018-2020 جىلدارى جالپى قۇنى 98,2 ملرد تەڭگەنى قۇرايتىن 7 جوبا ىسكە قوسىلىپ, 3500-گە جۋىق جاڭا جۇمىس ورنى اشىلادى دەپ كوزدەلۋدە.
ەركىن دوسىمباي,
وڭتۇستىك قازاقستان وبلىسى
