كەلىسىم 2018 جىلعى 12 قاڭتاردا ۆاشينگتون قالاسىندا جاسالدى جانە بورتىندا ۇكىمەت دەلەگاتسياسى بار مەملەكەتتىك اۋە كەمەلەرىن اەروناۆيگاتسيالىق الىمدار الۋدان ءوزارا بوساتۋدى كوزدەيدى.
تاراپتاردىڭ ءبىرى ەكىنشى تاراپتىڭ رەسمي سۇراۋ سالۋى بويىنشا ءوز مەملەكەتىنىڭ اۋماعىنىڭ ۇستىنەن مەملەكەتتىك اۋە كەمەلەرىنىڭ ۇشىپ ءوتۋىن ورىنداۋعا, وسىنداي رۇقسات بەرىلەتىن ساپارلار سول مەملەكەتتىڭ اۋماعىنا قونۋعا بايلانىستى بولعاندا ديپلوماتيالىق رۇقسات بەرەدى. كەلىسىم ەرەجەلەرى ترانزيتتىك ۇشىپ وتۋلەرگە, سونداي-اق ۇكىمەتتىك ماقساتتار ءۇشىن پايدالانىلمايتىن نەمەسە كەز-كەلگەن كوممەرتسيالىق قىزمەتتە پايدالانىلاتىن اۋە كەمەلەرىنە قولدانىلمايدى.
زاڭ جوباسىنىڭ قولدانىسى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسى زاڭىنىڭ 20-بابى 2-تارماعىنىڭ 6) تارماقشاسىن ىسكە اسىرۋعا باعىتتالعان, وعان سايكەس قازاقستان رەسپۋبليكاسىنىڭ اۋە كەڭىستىگىن پايدالانۋشىلارعا ۇسىنىلاتىن اەروناۆيگاتسيالىق قىزمەت كورسەتۋ, ەگەر شارت ەرەجەلەرىندە اۋە قوزعالىسىنا قىزمەت كورسەتكەنى ءۇشىن اقى تولەۋدەن بوساتۋ كوزدەلگەن بولسا, قازاقستان رەسپۋبليكاسى راتيفيكاتسيالاعان حالىقارالىق شارتتارعا سايكەس ۇشۋدى ورىنداعان جاعدايلاردا, وتەۋسىز جۇزەگە اسىرىلادى.
زاڭ جوباسى پالاتانىڭ قاراۋىنا جىبەرىلدى.
