وسىنداي كەرەمەت قازالى اۋدانى اۋماعىنداعى «قارابولات اۋليە» اتانعان جەردە دە بار. مۇندا تاقتا تاستار ەمەس, جەر استىنان جاقپار-جاقپار بولىپ قارا تۇز شىعادى.
ق.ءپىرىموۆ اتىنداعى اۋىلدان وتىز شاقىرىمداي جەردەگى تۇزدى كولدىڭ ەنى 50-60 مەتر, ۇزىندىعى 600 مەترگە جەتەدى دەلىنەدى.
سول ماڭداعى كىسىلەردىڭ ايتۋىنشا, ەل باسىنا تۇسكەن اشارشىلىق كەزىندە قارابولات دەگەن كىسى وسى كولگە كەلىپ, نەسىبەسىن ايىرىپتى. تۇز ساتىپ كۇن كورگەن.
ەمدىك قاسيەتى كوپ قارا تۇزعا جۇرت شىلدەنىڭ ونىنان تامىزدىڭ ونىنا دەيىن كەلىپ, شومىلادى ەكەن. قارا تۇز – قىشىما جانە ءارتۇرلى تەرى اۋرۋلارى مەن بۋىن اۋرۋلارى, سۋىق تيگەنگە پايدالى دەيدى قاسيەتىنە قانىققان جۇرت. بۇگىندە مال اراسىندا اۋسىل دەرتى كوبەيىپ تۇر. ۋاقىتىندا ەمدەسە جازىپ الادى. اسقىندىرىپ السا اۋرۋ تاراتادى دەپ زەڭگى بابا تۇقىمىن ءولتىرىپ, ولەكسەسىن ورتەپ بەككەر قۇدىعىنا تاستايدى. داۋلەتىن ارتتىرىپ وتىرعان مالىنىڭ ارام ولگەنى يەسىنىڭ قابىرعاسىنا ايازداي باتاتىنى انىق. اۋىل اقساقالدارى وسى قارا تۇزدى مالعا جالاتسا, اۋسىل دەرتىنەن ايىقتىراتىنىن ايتادى. بۇل دا ويلاناتىن جاعداي.
بالشىعى دا, سۋى دا ەم قارا تۇزدىڭ وسىنداي كەرەمەتتەرىن بىلگەن جۇرت مۇندا جاز ايلارىندا اعىلىپ كەلەدى ەكەن. كوبىسى دەرتىنە شيپا تاۋىپ قايتاتىندىقتان اۋليەلى جەر دەپ تۇسىنەدى.
باقتيار تايجان,
«ەگەمەن قازاقستان»
قىزىلوردا وبلىسى
