ۇلتتىق سالت-ءداستۇر, مادەنيەتىنىڭ ۋىزىنا قانىپ وسپەگەن ۇرپاقتان تولىققاندى ازامات شىعا قويادى دەگەنگە سەنۋ قيىن. بالكىم, ءبىر بيىكتەردى باعىندىرار. بىراق, بويىندا ۇلتتىق كەمدىك كورىنىپ تۇرادى.
بۇرىندارى ۇلكەندەر جاس بالالارعا ايدار قوياتىن ەدى. ايدار شاش - ءتىل مەن كوزدەن ساقتايدى دەگەن ۇعىم بولعان. ولار ەل ءۇمىتىن اقتايتىن ەر تۇلعالى ازامات بولىپ وسەدى دەگەن سەنىمدە بولىپتى. ۇل بالانىڭ ايدارى ول سۇندەتكە وتىرعىزىلعاننان كەيىن الىنعان. بۇگىندە بۇل ءداستۇر ساقتالمايدى.
تانىمدىق كەشتە قازاقتىڭ باستاڭعى جاساۋ, شاشۋ, باتا بەرۋ سياقتى داستۇرلەرى جايلى ايتىلىپ, قازاق ارۋلارىنىڭ اشەكەي بۇيىمدارى, ايەل زاتىنىڭ جاسىنا, وتباسىنداعى ورنىنا قاراي تۇتىناتىن زاتتارى كورسەتىلدى.
كەش تاعلىمى ۇلتتىق رۋحتى ۇلىقتاۋعا ارنالعان.
باقتيار تايجان,
«ەگەمەن قازاقستان»
قىزىلوردا وبلىسى.
